Cerfatal Mirracasimak Taamâ Saamih Ginnaanamih Caddol Agat Xayloh Tuxxiqitte Diggoosak Assakat le Xaloot Elle Amballayuk Geytima.

 

Addis Ababa; Ditelik 15/2018 (ENA): Cerfatal Mirracasimak Taamâ Saamih Ginnaanamih Taamoomil Agat Xayloh Tuxxiqitte Diggoosak Assakat le Xaloot Elle Amballayuk Geytimam m Leedâ Missoynak Taama Selta Makaadoh Adoytah Tan Mufracat Kaamil Qaddosse

 

Leeda Missoynak 2018 Mizaaniyyat Liggidih Abnisso Kusaq Kee 2019 Mizaaniyyat Liggidih Ikraaroh Walal Gudgud Addis Ababal Gexsen.

 

Leedâ Missoynak Taama Selta Makaadoh Adoytay Taama kee Duddi Malaakah Tan Mufracat Kaamil Tama Gudgudul Abteh Tan Yaabal inteemih Cerfatal Mirraasima Taama Saamitteh Hadlisso Diggoosak Agat Xaylok Tuxxiqitte Maqarroosak Geytimaanam Qaddosse

 

Taamâ Saamih Hadlissol Baaxoh Adda kee Iro Baaxoh Caddol Taama saamitte Ginak Teknoloojih Doorititte Antifiquk Baxasa le Hangi Akah Acyuk Taamitak Geytimaanam Tescessem.

 

Tahak Ugut Abak Lafa Le Sidiica Doorititte Koona Milyeenik Dag Takke Agat Xayloh Taamâ Saamitte Ginnoonuh Ikraariseenih Sugeenim Kee Koona Milliyeenik Dag Abbinoosanam Duudumteh Tanim Qaddosse.

 

Agat Xayloh Taama Saamitte Ginak Geytiman Baxaabaxasa Le Luddittel Ginak Buqreey, Industiriy, Iro Baaxo Fanah Ruubanamih Taama Diggoosak Geytiman Qaddoose.

 

Dudda Fanteena Abak Kulli Numih Mihatak Ugutak Ginak Geytiman Taamah Saamitte Fooca fanah Diggoosak Agat Xaylo Inkih Akah Edde Tantifqennah Taamitak Geytimaanam Baxxaqisse.