2018 Miizaaniyyat Liggidi Xisoosa Xisiyyaay, Ximokraasih Siirat Maqarroosaanam Daddos Daddalih Gexsit Aract Edde Gaceh yan Liggidak Sugte. Gifta Adam Farac - ENA Qafar Afa
2018 Miizaaniyyat Liggidi Xisoosa Xisiyyaay, Ximokraasih Siirat Maqarroosaanam Daddos Daddalih Gexsit Aract Edde Gaceh yan Liggidak Sugte. Gifta Adam Farac
Addis Ababa ,Ditelik 14/2018 (ENA)Sanat 2018 mizaaniyyat liggidah leeda missoyna abte taama kusaaqisaanam kee 2019 miizaaniyyat liggidih Ikraarot elle walalan gudgud Qimbisen .
Tama Gudgudul Leeda partik Ciggiila Saqal Kee Leedâ Partik Leena Kutbeh Buxah Saqal masskaxxale Gifta adam Faarac kee Rakaakayak Kutbe buxak Langi saqolti kee Malaakitte, Rakaakay Malaakitte,Kalah Tan Miraaciini Adoytit edde Geytimem Qaddoosen.
Fakenti Yabal, Cigila Berezixanti kee Leedâ partik Leena Kutbeh Buxah Saqal, masskaxxale Gifta adam Faarac iyeemih 2018 Mizaaniyyat Ligida Ximokraasih Siirat kee Daddos Angagoyite Arac Edde Xagteh tan Ligidda Kinnim Baxaqise.
Misoyna Xisne Wagsiisak, Mizaaniyyat Ligidi Leeda Misoyna Xisoosaay, Taama Gexsitittey, Sahdayti Baxih Gadda kee Abinosiyi Dudda Wagsiisak Maqarluk sugteh tanim Qaddoosak, Mango Madmoomi Ekraaroh Ugutak Arac Xagte Liggida Kinnim Qaddosen.
Usuk Elle Yescesenal 7hytoh Amoladi Dooroh Namma Hadafite- Demokraasih Siirat Xisoonuh Abnah nan Gexoh Maqarle Rakiibo Daffesse- Assakatle Abinosiyal Arac Xagte, Kuli Madmal Inkih Tan Ayyuntak Nabnale Gabat Agle kee Misoyna Lewanna Cuso Leh Tan Maqarle Qokoluh Gadda Geya iyaanam Tattrusse.
Daddos kee Ximokraasih Aysaxaaxag Amolladi Leeda Yasmitoonuh Mango Xalootul Geytimeh Yan Meqe Xalootu Kassisak Gifta Adam Farah Massoynak Miraaciini Duddal Inkih Antifiquk Ayyunti Inkih Tan Leeda Arac Akah Geytannah Macalaanam Faxximtam Kassiise.
Fooca Fanah Missoynak maqar le macal miraaciinu kee adoytiinu mexxat yasmitoonuh, agattiinah aydaaditte culsaanam kee massoynah xisoosah caddo akah takkennah siirat akah xisan innah abak geytimaanam warse.
Ellecabol usuk elle yescessem massoynah miraaciinuuy, adoytit kee inkih tan ummattak itta luk abaanah yanin macal hadaf aracat haanam faxximtam kinnim warse.
Tama namma ayroh sugu waah yan koboxul, 2018 E.C. liggidih addat gexsitak sugeenih yanin taamah gabbaaqu kee 2019 Ligiddak Taamah ekraarol Walal akkele Arcuk Qambaalan.