Ayfaf Siirat Qasriyyo Le Gurral Fanah Milaageenim Assakat le Xaloot Elle Amballayuk Geytima. - ENA Qafar Afa
Ayfaf Siirat Qasriyyo Le Gurral Fanah Milaageenim Assakat le Xaloot Elle Amballayuk Geytima.
Addis Ababa ,Diteli 8,2018 (ENA)imigration Kee Baaxô Baxiino Ayfaf Qasriyyo Le Gurral Edde Antiquk Ayfaf Baarisak Assakat le Xaloot Elle Amballayuk Geytimaanam Leenah Xayrekterih Tan Salamaawit Xawwit Qaddosse.
imigration Kee Baaxô Baxiini Ayfaafay Sanat 2018 Liggidal Tiyaay Ximmooy 6 Miliyeenik Amo Yakke Passport Fixixiseenim Qaddoysen.
Tama Xisok Leenah Xayrekterih Tan Gifti Salamaawit Xawwit Teceeh Tan Maybalaalaqal Elle Qaddosennal Inteemihiiy:- Tiyaay Ximmooy Laca Miliyeen Takke Passport Baxcisaanam Xiiqimtem Qaddoosak, Luddi Ku/buxaaxi 12 Elaa 23 Fanah Fayya Haanam Xiiqimteh Tanim Qaddosse.
Yaceenih Yanin Ayfaafayak 42 Ximmooy 7 Biliyeenih Birri Yeskettenim Kassiisak, Tahih Addak 5.4 Biliyeenih Birri Konsolak Yeskettenim Qaddosse.
Kalah Kaadu Gita Maliinoh Angagoyyitte Lowsiisak Maadul Abeenih Yanin Lowsiisih Taamal 55 Alfiiy, 13 Takke Marittey Gaanuunuk Iroh Angagayyuk Sugte Liwsiisaanam Xiiqimtem Kassisse.
Passport Ayfaafayat Axaw Luk 4 Alfiiy, 883 Takke Marittey, Gaanuunuk Iroh Ayfaafay Gorrisak Sugte Digaala Maaqatta Beenim Tiysixxige.