Ityoppiyak Agat Mabbaloowih Koboxu Baaxo Dadal Kee Inkittinaane Rakiiboh Akkaleemih Qaago Loonum -Diini Abbobti

Addis Ababa Ditalik 8/2018(ENA( Asaaku Qimbisen Agat Mabbalow Koboxul Baaxo Dadal Kee Ummattah Inkittinaane Diggoosnuh Rakiibo Akkaleemih Qaago Loonumu Diini Abbobti Qaddossem

Ityoppiyak Agat Mabbalow Koboxih Fakkentih Taddeeral Baada Caddoh Konvenishiin Fanteenal Gexisitak Geytima.

Tam Koboxih Aracal Diini Abbobti Kulli Diini Exxaaxil Xaaqo Taddeeral Abeenih Yaniinim Qaddoosen

Itiyoppiyak Ortoxoqhsih Tewahedoh Kaniisak Kutbe Abeenay Awlaytuh Yan Massakaxxale Abune Dioscorus Fakkenti Yaabal Ta Kobox Baaxo Daddos Kee Ummattah Inkittinaane Yakkem Qaagiteh

Degleti Salaam qaafitay Inkittinaane Nek Dacrisak Ummatta Fanal Kokacani Edde Ginniimah Mabbalowu Yakkem Qaagitah Yanim Baxxaqisem

Tonnah Agatak Mabbalow Komishiin Fakkentaltyoppiyak Islaaminnâ Caagiidah Daga Raqta Malah Buxah Pirezdantih Yan Shek Cajji Ibraahim Tuufa isil Katuk Abeh Yan Yaabal Iyyeemih Salaamay Kocanuy Kee Inkittinaaneh Leh Yan Mabbalow Yakkem Qaagitah Yanim Qaddoose.

Ta Aydaadi Koboxul Xaloot Le Gurral Akah Yamurruqennah Inki Kalbi Akkuk Walaanamih Dudda Yalli Neh yacay Gibdaabina kee Ayyaaqarak Tatutrak Salaam kee Daddos Diggoosnuh Yalli Kallaacnam Faxximita Axcuk Seeco Tatrusem

Mabbalowak Taqbitteh Inkitaanuk Walal Yafdigoonuh Agat Xisne Diggoosak Dadalate Baaxo Taamate Horal Taabisoonuh Asaaku Yakke Walal Kaxxa Doori Lem qaddoosen