Addis Ababah Magaalal Kobxissa Daalissoh Xisne Diggoosak Salaam Kee Daddos Fanteena Akkuk Geytimta.

Addis Ababa Ditalik 5/2018(ENA) Addis Ababah Magaalal Kobxissa Daalissoh Xisne Diggoosak Salaam Kee Daddos Fanteena Akkuk Geytimaanam Addis Ababa Magaalah Xinissoh Saqlàh Tan Adaanech Abebe Qaddosse.

 

Addis Ababah Magaalak Mala Buxak 5heele Taama Dabaanak 4Heele Madbiino Kobox Gexisitak Geytima.

 

Addis Ababa Magaalah Xinissoh Saqlàh Tan Adaanech Abebe Malah Buxah Kobxoul Magaala Xinissok 2018 Mizaaniyyat Liggidak Taamah Abnisso Gabbaaqu Xayyosse.

 

Magaala Xinissok Saqlah Tan Axaanech Abebe Xayyoose Gabbaaqul Inteemih Ayyuntah Cule Xagna Ugutak Warrayte Koona Sanatih Addat Assakat le Taamoomi Tekkeh Tanim Qaddoosen.

 

Ossitinah Raagte Tan waddir Raq le Mabloolih Taqbitteh Diggale Margaqa Luk Elle Angaacilluk Addis Ababa Deelo Siyaasa Awquk Salaam kee Daddos Baarisak Geytimaanam Qaddoosen.

 

Addis Ababal Sarrimaanele Salaam Elle Baarisak Qaxmaqeene leh Anaxaxin Magaalay Mannoowiyyah Bica leh Ityoppiyak Leeda Ceelallo Akkuk Geytimta.

 

Addis Ababah Magaala Afrikak Inaytay Diplomaasih fanteena Kinnuuk Ityoppiya Dubuk Hinnay Qaran Gubah Caddol Ceelallo Takkem Duddah Tan Dadal Taamoomi Elle Abak Geytimaanam Qaddoosen.