Naharsi Saqal Cajji Awwal Qarba Qhatar Baaxok Temeete Al-Sulaytiin Kambaanih Erga Luk Walale .

 

Addis Ababa,Ditelik-04/2018 (ENA)Rakaakayak Naharsi Saqal Massakaxxa Le Cajji Awwal Qarba Katar Baaxok Temeeteh tan Al-Sulaytiin Xiqsitta Kambaanih Erga Isi Maktabal Oggolaak Walalise .

 

Naharsi Saqal Cajji Awwal Qarba Ayyuntiino Ratteemak Isi Golil Tatruseh yan Farmol Iyyeemih Katar Baaxok Temeeteh tan Al-Sulaytiin Kambaanih Erga Luk Qafar Rakaakay Leh Yan Fidin Investimentih Gaddat Mannal Taamitaanam Xiqaanam Wagittaamal Walal Abneh Yaanam Iyye .

 

Qafar Rakaakayih Dudda kee Qaago Taceeh tan Investimentih Doorititte Maca Kinnim Wagittaamal Walal Gexsieenih Yaniinim Yescesseh yan Naharsi Saqal Cajji Awwal Qarba Buqreh Investimentih Ni Rakaakay Dooreenimih Gadda Keenih Gacisah Yanim Qaddoose .

 

Qafar Baaxo Baxsa Luk Buqre Luddal Aamanti le Investimentih Saamitte Leh Tanim Keenih Baxxaqiseh Yaanam Iyye .

 

Milaaguk Duma Qafar Baaxo Tu-edde Mataabuka Axcuk Uma Daalisso Elle Sugte Baaxo Kinnuuk Milaagi Doolatih Abbinoosul Nummâ Weelo Teetik Tumbulluyeh Tanim Yescesse .

 

Al-Sulaytiin Kambaanih Erga Abteh tan Gufneenal Baxsa Luk Caxita Weeqaytu kee Buqre Baaxoy Yubleenih Yaniinil Ruffa Iyyeenih Yaniinim Kee Qafar Baaxol Invest Aboonuh Fayxi Loonum Yescesseenih Yaniinim Naharsi Saqal Cajji Awwal Qarba Kassiise .

 

Ossotina Dadal Arcisoonuh Digga Luk Taamiteloonum Yescesseh Yan Naharsi Saqal Cajji Awwal Qarba Qafar Baaxo Leh Tan Investimentih Saamit Yantifiqoonu Qagitaak Seeco Keenih Xayyosna Yaanam Iyye .

 

Qafar Rakaakay Kulli Marah Fakut Yaniih, Investimenti Digga-leeh, Aamanti Le Caalat Gineenih Geytimaanam Naharsi Saqal Cajji Awwal Qarba Illacabol Abeh Yan Yaabal Diggoose .