Gadbô Xalootih Taddeera Itiyoppiyak Maaqiddi Caabi Daabissa Yanbulle Xaloot Geysiisak Geytimta - ENA Qafar Afa
Gadbô Xalootih Taddeera Itiyoppiyak Maaqiddi Caabi Daabissa Yanbulle Xaloot Geysiisak Geytimta
Addis Ababa Ditelik 02/2018 (ENA) Gadbô Xalootih Taddeera Itiyoppiyak Maaqiddi Caabi Daabissa Yanbulle Xaloot Geysiisak Geytimtam Buqrê Malaak Qaddoysem.
Buqrê Malaakih Xeeta Dr Fiqhru Reggasa Gadbô Xalootih Taddeerah Abnisso Wagsiisaak Mangaafa Retteemaamih Yeceh Yan Mabalaalaqal Ta Taddeera Maaqiddi Caabi Daabimtuh Yakkeh Yan Macalah Qidaddo Dudda Ginak Geytimtam Yescessem.
Ta Taddeera Buqre Aba kee Dacarsittoh Xiina Maaqiddi Caabi Daabissaamak Taturak Magaalol Cooxih Murtutte Qadaagá Fayxi Kibak Kaxxa Doori Digrak Geytimtam Baxxaqsem.
Baaxô Xayloh Antifiqimiyya Daabisak Geytimah Yan Gadbô Xalootih Taddeera Gala Lowsiisaanamih Caddol Kaxxa Tuxxiq Leh Tanim Yescessem.
Ceelalloh Gadbô Xalootih Taddeera Qimbissaamak Naharal Sanatal Keefak Sugen 26miiliyeenih Naala, Asanat 184miiliyeenih Naala Fayya Haanam Xiqqimtem Yiysixxigem.
Iroh Qadaaga Xayyoosak Sugen Cado Murti Dadaluh Yekkeh Yan Macalal Kaxxa Taama Tekkeh Tanim Qaddoysem.