Ityoppiyal Xissiimak Geytimta Nabah Tan Daddos Cugaysoosa Baaxok Qidaddo Uguugusaanam kee Qoklaanamih Caddol Assakatle Xalu Ayballayuk Geytimta. - ENA Qafar Afa
Ityoppiyal Xissiimak Geytimta Nabah Tan Daddos Cugaysoosa Baaxok Qidaddo Uguugusaanam kee Qoklaanamih Caddol Assakatle Xalu Ayballayuk Geytimta.
Addis Ababa 01/2018 Ityoppiyal Xissiimak Geytimta Nabah Tan Daddos Cugaysoosa Baaxok Qidaddo Uguugusaanam kee Qoklaanamih Caddol Assakatle Xalu Ayballayuk Geytimtam Qaddowtem.
Itiyoppiya Taturte Sanootah Addat Baaxok Qidaddô Dadal Daabissaah, Ayyunti Tuxxiq Dadlissam Xiqta Nabah Tan Cugaysoosa Ikraarisak Abbinoysak Geytimtam.
Tahak Asqassabê Caylih Raceenaaniiy, Nabah Tan Merrayti Rakiibo Daddoosuuy, Inxustirih Barkitteey, Tonnah Kaadu Magaalâ Qax Maqaane kee Koriixer Daddoosuh Hangi Acayuk Taamitak Geytimtam.
Kimal Gexsitteh Tan Ummattah Awlaytiitih Malah Buxah Madabiini Koboxul Naharsi Malaak Abiyyi Acmad (PhD) Itiyoppiya Nabah Tan Daddos Cugaysoosa Qimbisak Gaba Kak Kalak Sarriinole Qidaddô Dadal Lowsiisak Geytimtaamat Yaabem.
Ta Caagidil Itiyoppiyak Xaagi Raceena Yaabisseh Tan Asoosah Jaamiqatak Ikonomiksi Barseena Macamamd Ibrahiim Itiyoppiya Mnagantiinale Qidaddoh Exxal Hangi Haak Kulli Exxal Qeedalle Qidaddô Dadal Geytimuh Catteh Tanim Qaddoysem.
Baxsaluk Nabah Tan Daddos Cugaysoosa Racissah Tan Culenti Baaxok Qidaddo Qoklaanamih Caddol Assakatle Xalu Ayballayuk Geytimtam Ascassuuk, Tah Baaxok Culenta kee Awqenta Missoysak Qaafiyatle Qidaddô Dadal Geytimuh Xiqsisseh Tanim Yescessem.