Ityoppiya Dariifa Kooran Caylih Fantaaxaw Maqarroosak Xiplomaasih kee Maddur Tummiqitte Diggoosak Taamitak Geytiman

 

Addis Ababa ,Diteli-Alsak 01/2018 (ENA)Itiyoppiya Dariifah Kooran Caylih Fantaaxaw Maqarroosak Xiploomaasi kee Madduur Tummiqitti Diggossuh Taamitak Geytintam Federaalak Lee kee Elmo Malaakak Ciggiila Malaakah Yan Dr Injineer Sultaan Wali Qaddoose .

 

Ayro-Mawqah Afrikak Cayli Fantaaxaw , Dariifa Caylih Tellemmoh Qaduuk Qimbisoonu Elle Xiqan Qimbisiisiyyi Taddeera kee Adoytiitih tan Baaxooxak Ittingey Walalih Kobox Qimbisen .

 

Tama Kobox Adoytiitih tan Baaxooxa Ittingey fan Gufoonu kee Dariifa Caylih Kabxa Qimbisoonuh Kaxxa Mafdaga Kinnih Tanim Qaddoosen .

 

Itiyoppiyak Kooran Caylak Naharsi Taama Gexseey Ayro-Mawqah Afrikak Cayli Fantaaxawih Koobaahise Injineer Ashebbir Balcha Iyyeemih kooran Caylih Fantaaxaw Ni Baaxoh Kaxxa Tuxxiiq leh Yanim Diggoose .

 

Itiyoppiya Dariifal leh tan Qanxaffe kee Xiploomaasih Dudda Dadlisaanamak Taturak Kooraan Caylih Limoh Kaxxa Culenta Lem Kinnih Tanim Kassiise.

 

Itiyoppita Awayih Udduur Keeniyay, Sudaanay, Jabuuti kee Tanzaaniya Luk Fantaaxaw Ginak Kooran Cayla Xayyoosak Geytintam Kassiiseh Yan Injineer Ashebbir Balcha Ciggiila Udduurih addat Kaaduk Gabbi-Qaxih Suudan Kee Soomaaliya Luk Cayli Fantaaxawih Ittingey Aboonuh Taamitak Geytimaanam Diggoose .

 

Federaalak Lee kee Elmo Malaakak Ciggiila Malaakah Yan Dr Injineer Sultaan Wali Isi Le Katuk Iyyeemih Itiyoppiya Ayro-Mawqah Afrikah Xayyossah tan Kooran Cayli Dariifah Ciggil le Xayyoos Kah Yaninnah itiyoppiya isi Doori Digirak Geytintam Teetik Taybulluye Yaanam Iyye. 

 

Tama Cayli Fantaaxaw Itiyoppiyah Kaxxa Culenti Raceena Kinniimik Taturak Adoytiitih tan Baaxooxah Fanal Siyaasaay, Ayyuntiino kee Qaada Luddittel Xaggiime-sinni Angaaraw Ginak Geytimam Qaddoose .

 

Awayih Udduur Tama Dariifa Fantaaxaw Inki Afrikah Cayli Raceena fan Dadlisoonuh Fidin-Taamoomi Akkuk Geytintam Federaalak Lee kee Elmo Malaakak Ciggiila Malaakah Yan Dr Injineer Sultaan Wali Illacabol Abeh Yan Yaabal Yescesse .