Ityoppiya Nabah Tan Cugaysoosa Qimbisak Gabakaltam Dudda Baaxo Tekkeh Tan-Naharsi Malaak Abiyyi Acmad(PhD)

 

Addis Ababa Waysuk 30/2018(ENA)Ityoppiya Nabah Tan Cugaysoosa Qimbisak Gabakaltam Dudda Baaxo Tekkeh Geytimtam Naharsi Malaak Abiyyi Acmad(PhD) Qaddoose.

Nagarsi Malaak Abiyyi Acmad (PhD) Ummattah Awlaytiitih Malah Buxak 5Heele Taamâ Dabaanak 30Heele Madabiini Koboxul Geytimak 2018 Miizaaniyyat Liggidak Doolat Abnisso Wagsiisak Malâ Buxah Adoytit Ugusseh Tan Esserrorah Raddi Kee Baxxaqsa Abem.

Naharsi Malaak Abiyyi Acmad(PhD) Cugaysoosa Xisne wagsiisak Abeh Yan Addâfakootul Iyyeemih Doolat Qimbisseh Tan Amolladih Makroh Qidaddoh Maysaasah Maaqattootil Katayak Assakat le Xaloot Geysisse.

Makroh Qidaddoh Maysaasah Qokolut Asanat Dubuk Mangoh Tan Agat Cugaysoosa Xisak Gabakaleenih Yaniinim Qaddoose.

Nabah Yan Ityoppiyak Asqassaabe Karrawaday Gabakalak Ayfaafay Qimbisseh Geytimam Ascassuk Malcin Takkeh Tan Baaxoh Addak Qaran Merraytih Booxa Xisak Ayfaafay Qimbiseenih Geytimaanam Baxxaqise.

Doolat Mango Liggiditteh Amarruqukkah Sugteh Tan Cugysoosak Gabakaloonuh Baxsale Hangi Akah Acyuk Kattat Kee lowsiisiyye Taama Abak Taamitak Geytimaanam Qaddoose.

Ciggiila waktih addat Ninni Duddal Ummattak Mano Gala Naysiisuh Taamitak Yangalen Daddoosih Taamoomi Maqarroosak Diggale Macalal Abbinoosak Geytimaanam Qaddoose