Baaxoh Addal Dayla Yamruteenimih Duddi Elle Sugeh Yan Caddok Boolul 44gaba Dadlam Xiqqimte - Naharsi Malaak Abiyyi Acmad (PhD)

 

Addis Ababa Waysuk 30/2018 (ENA) Baaxoh Addal Dayla Yamruteenimih Duddi Elle Sugeh Yan Caddok Boolul 44gaba Dadlam Xiqqimtem Naharsi Malaak Abiyyi Acmad (PhD)Qaddoysem.

Naharsi Malaak Abiyyi Acmad (PhD) Ummattah Awlaytiitih Malah Buxak 5heele Taamâ Dabaanak 30heele Madabiini Koboxul 2018 Miizaaniyyat Liggidak Doolat Abnisso Wagittaamal Malâ Buxah Adoytiitih Ugutteh Tan Esseroorah Raddi kee Baxxaqsa Abak Geytimam.

Naharsi Malaak Abiyyi Acmad (PhD) Qaafiyat Wagsiisaak Abeh Yan Raddi kee Baxxaqsal Baaxoh Addal Dayla Yamruteenimih Duddi Elle Sugeh Yan Caddok Boolul 44gaba Dadlam Xiqqimteemit Yaabem.

Amolladih Dayli Limoh 70biiliyeenih Birri Dayli Mansoofah 60biiliyeenih Birriik Dagah Awqenti Yewqem Yescessem.

Taturte Alsitteh Addat Mango Hispitaalwa Dooqaysak Ayfaafayah Faku Tekkem Ascassuuk, Ciggilta Alsitteh Addat Dooqaysimtu Wayta Fantenaani Anelem Yiysixxigem.

Gersi Katuk Qaso Dalka Daggowtuh Yekkeh Yan Ogoysimle Macalal 14miiliyeenih Kaaniqe Saro Fixixiseenim Ascassuuk, 3miiliyeenih Birrih Buxaaxil Kemikaal Caxaanam Xiqqimtem Qaddoysem.

See less