Itiyioppiya Artifishal Intelejensi kee Xijjitaal Qaafiyatih Siiratal Qaranguba Muraacissuh Taamitak Geytimta-Ciggiila Naharsi Malaak Temesgen Tiruneh - ENA Qafar Afa
Itiyioppiya Artifishal Intelejensi kee Xijjitaal Qaafiyatih Siiratal Qaranguba Muraacissuh Taamitak Geytimta-Ciggiila Naharsi Malaak Temesgen Tiruneh
Addis Ababa Waysuk 29/2018 (ENA) Itiyioppiya Artifishal Intelejensi kee Xijjitaal Qaafiyatih Siiratal Qaranguba Muraacissuh Taamitak Geytimtam Ciggiila Naharsi Malaak Temesgen Tiruneh Qaddoysem.
Sidiica Ayro Sugu Waah 46Baaxooxak Yemeeteh Yan Mari Edde Angaluk Afrikak Qaafiyati Baritto Kobox(MedEdAfrica 2026) Addis Ababal Gexsitak Geytimam.
Ciggiila Naharsi Malak Gaaboyna Fakkente Abe Yaabak Iyyemihi Itiyoppiya Taturteh Tan Sanootah Addat Qaafiyat Mihratleelah Baritto Baarisaanamal Faxxiima Maaqattooti Beyteh Tanim Yiysixxige.
Qusba Qaafiyat Baritto Buxaaxi Fakkimtem Kee Sugteh Tan Qaafiyat Barittoh Buxaaxi Akah Diggowtannah Abeenim Kassisak Tah Itiyoppiyah Qunxaaneyti Qaafiyat Missoyneh Luddal Angaaraw Leh Yan Saami Osisoonuh Kaxxa Saami Gintem Kassiise.
Dariifa Kee Baaxoxa Fantaaxaw Diggosoonuh Ruwanda Kee Gabbi Sodaanak Temete Qaafiyat Mihrat Leela Aydakakan Yecenih Yaninim Yiysixxige.
Naharsi Malaak Dr Abiyyi Acamd Kobahissol Itiyoppiya Qaafiyat Siirat Missosak Duddale Qaafiyat Wadbisso Akah Geytimtannah Abak Geytimanam Qaddose.
Qaafiyat Oytiiy, Xijitan Qaafiyat, Robotik, kee Artifishaal Intelejensih Catoh Qaafiyat Fokkaaqol Hangi Acelem Qimbo Al Jaamiqat Itiyoppiyal Fakoonuh Bicay Geytimanam Baxxaqise.
Ciggiila Naharsi Malak Iyeh Artifisal Intelejensi Sisikuk Qafiyat Luddal Tabaatabsa Abak Geytimam kee Qarangubal Nanu Ta Milaagih Addal GineMiraciinu kee Qusba Gina Nakkem Faximtam Kassise.
Ta milaagi jaamiqatittek qimbisam faxximtam kee barittô buxaaxiiy, industry kee carkiini taamah fanat yan angaaraw maqarroosaanam faxximtam qaddoyse.
Ta Sidica Qamiidul Sittaluk Taamitawak, Qusba Gino Labratorik Ila Barittoh Buxa Fanah, Barittoh Buxak Qarkayto Fanah, Qarkayto Xaquk Afrikak Kuli Ganda kee Magaala Fanah Gufele Axcuk Qaddose.
Tama Koboxul 46 Takke Baaxooxah Awlaytit Kee Qaafiyat Luddal Wagitta Dagorti Edde Anuk 117 Takke Qaafiyat Baritto Kee Wagitta Dagorti Edde Anuk 750 Takke Maritte Edde Tengeleh Geytimtam Yiysixxigen.