Itiyoppiya Dariifâ Dacayri kee Algin Daddoosih Exxal Afrika Ceelallo Akkuk Geytimta:- Ciggiila Naharsi Malaak Temesgen Tiruneh - ENA Qafar Afa
Itiyoppiya Dariifâ Dacayri kee Algin Daddoosih Exxal Afrika Ceelallo Akkuk Geytimta:- Ciggiila Naharsi Malaak Temesgen Tiruneh
Addis Ababa Waysuk 27/2018 (ENA) Itiyoppiya Dariifâ Dacayri kee Algin Daddoosih Exxal Afrika Ceelallo Akkuk Geytimtam Ciggiila Naharsi Malaak Temesgen Tiruneh Qaddoysem.
Ciggiila Naharsi Malaak "Saytun Itiyoppiya Horah" 3haytoh Addah Baaxoh Caddoh Uguugus Qaduuk Qimbisiisem.
Ta Uguugus Annaak Tan Qimbisisso Hinnam Qaddoysaak, Itiyoppiyak Fooci Qaago Ayyunti Qaafiyat kee Qidaddo Murtisso Madaqa Nabah Yan Xagana Kinnih Tanim Kassiisem.
Tature Namma Addih Uguugusul Miiliyeenittel Loowima Ayyunti Edde Yenegeleh Yanim Ascassuuk, Ta Sidoc heele Addah Uguugus Duma Suge Maqarle Exxaaxi Maqarroysak, Sittalih Gacak Tanih Tan Taqabitte Kah Raqtannah Taamitaanam Faxximtam Yescessem.
Naharsi Malaakih Uguugusul Qimbisimeh Yan Biiliyeenil Loowimta Coox Elle Daabinteh Tan Algin Raatih Taddeera Magaala Qax Maqaaneey, Koriixer Daddos kee Daqar Qaxi Daddoosul Wacaysir Madmeena Takkuh Kaxxa Doori Digrak Geytimtam Ciggiila Naharsi Malaak Baxxaqsem.
Ta Uguugus Inki Fanteena Dubuh Hinnay, Inkih Tan Baaxoh Uguugus Kinniimih Taagah Cankah Exxaaxiiy, Siviil Ayyuntaay, Diini Fantenaaniiy, Sayyo kee Inkih Yan Ayyunti Inkitto Akkuk Yangagayyeenim Faxximtaamih Seeco Ciggiila Naharsi Malaak Tatrusem.