Rakaakayak Buqre kee Gino Gaddih Daddosih Biiro kee Buqre Malaakak Qanaytih Tuccubus Aydakaakan Maglableelah Yeceenim Yiysixxigen

 

Addis Ababa Waysuk 25/2018( ENA) Ta aydakaakanih aracal geytimaak fakkenta abeh yan Rakaakayak buqre kee gino gaddih daddoosih biirok naharsi saqal injiner yaasiin Qali qanayti buqre kee gino gaddal aba radimiiy qabaaraay weeqa kee kalah tan qawwalayla katassah tan taqabi waasoonuh mango macal faxxiimam Qaddose.

Taturteh tan udduura qanayti meysih ayyunti buqrek waasimam qimbiseh suge udduura sugtem takkay immay doolat buqreabah yeceeh yan hangii kee qokolul buqrel yayse milaagu ablaasuk geytimta buqre aba taim Yubluuse.

 

Awayi aydakaakanak hadaf 34 daqaaray qanaytut Biyakiteh yanik lafetle buqre aaba doorak aben kasaarak elle yangedeeden innal ken akah qokolan inna kee aben baacak buqre fan adaaruk luk sugen gadda fan akah yadaaren innah elle abaanam xiqan innak maglab leela inki oyta akah tallenna kinnim yiysixxige.

Away karmah uddur kinnuuk karma buqre edde abaanam xiqan uddur kinnim kee karmat kaadu qanayti radam bictaamih taagah qanayti qawwalayla daggoosoonuh naharal bica abak geytimaanam Yescesse.

Away yan oytal karma elle daggiwtu wayta dariifa kee nagay elle raddu wayta dariifa kinniimih taagahbuqreh takke baaxo awayaak bicisak karma elle daggowtu wayta dariifal roobuk radinnaaanim buqre tuxxiiqil akah asisan innah yaakume bicitte baaxo le mara kee buqrel qokol abta exaaxi diggossam faxximta yaanam iyye.

Baad Bankit cattiimak gexisaanah yanin ta aydakaakanak hadaf buqrel takke taamak meqe xali geytimuuy karma dufak buqre cattiimak buqrellangil gubaay dagah inkim akak yaaxigenntaama akahbtakkennah maglab leela hangisso akak geytu kinnim qaddoose.

Buqre aba kee buqrel qokol abta exaaxi kee mihrat leela takke taamat titta akriyuk buqre abab yayse xaloot akah geytannal taamitaanam faxximtam kassiise.

Tonnah Anxaxin legasih Taddera aracat gactuuy buqre taamak buqre aba keenih faxximtam geytuuy buqreh ikraaro le udduurul abbinowtuh oyti tabaatabsal yan taqabi massoosak gubaay daga inkim akah yaaxigen innal taamitaanam faxximtaamih farmo tatrusem FMC qafár afih exxah xaagi yascasse.