Amolladi Agat Mabbalowih Koboxul Mihrat Baxxaqsa Abtu Wayta Mihratleela Ixxigal Rakiiboh Tan Hangisso Ginnimtuh Taamitaanam Faxximta. - ENA Qafar Afa
Amolladi Agat Mabbalowih Koboxul Mihrat Baxxaqsa Abtu Wayta Mihratleela Ixxigal Rakiiboh Tan Hangisso Ginnimtuh Taamitaanam Faxximta.
Addis Ababa Waysuk 25/2018 (ENA) Amolladi Agat Mabbalowih Koboxul Mihrat Baxxaqsa Abtu Wayta Mihratleela Ixxigal Rakiiboh Tan Hangisso Ginnimtuh Taamitaanam Faxximtam Agat Mabbalowih Komishinik Leenah Komishiner Pr Mesfen Araaya Qaddoysem.
Itiyoppiyak Agat Mabbalowih Komishin Amolladi Koboxih Uddur Mihrat Baxxaqsa Abtu Wayta Mihratleelalluk Walal Gudgud Gexisak Geytimam.
Ta Gudgudul Komishinik Leenah Komishiner Pr Mesfen Araayaay, Ciggilta Leenah Komishiner Hirut G/sillaaseey, Gersi Komishinerwa kee Seeco Kah Aben Qibni Elley Geytimem.
Leenah Komishiner Pr Mesfen Araaya Mihrat Baxxaqsa Abtu Wayta Mihratleela Baxaabaxsale Mihrat Exxaaxi kee Qaaqak Temeeteh Tan Maritte Kinnim Qaddoysem.
Komishinil Kaxxa Baaxo Qaaqa Raddeh Tanim Ascassuuk, Taturte Affara Sanootah Addat Mango Taamoomi Abak Yemeetem Kassiisem.
Amolladi Kobox Nabah Yan Aydaadi Gexsit Kinnih Tanim kee Bacra Baxaabaxsale Buttaatih Kurak Gexseloonum Yescessem.
Tutaaxago Kobox Uddur Mihratah Dubuh Aamnati Luj Ixxiga Tabisaanam Faxximtam kee Gexsit Sababiyyol Miraacisaanam Faxximtaamih Qaaqa Keenil Tanih Tanim Kassiisem.