Mizaaniyyat Ekraarol Addah Yan Culenta Le Maritte Cubbit Heeloonum Qaddoysen

 

Addis Ababa,Waysu 23,2018 (ENA) Ummattah Awlaytiitih Malah Buxa 29hele Madabiino Daffeynal Maaliyyah Malaakih Saqolti Lih Sanat 2019 Mizaaniyyat Liggidih Ekraarol Walal Gexsen.

Maaliyyah Malaak Acmad Shide, Mizaaniyyat Ekraaro Kee Malah Buxah Adoytit Ugusse Esseroh Raddi Yeceeh Yanim Kee, Manoh Galà Lowsiisoonuh Cato Takkeh Tan Ekraaro Hangit Haak Bicisak Geytimaanam Qaddoose.

Mizaaniyyat Qaynatal Makro Ikonomih Milaagih Gutqo Lowsiisoonuh Cato Elle Takkeh Tan Gital Bicisenim kee Ayyunti Dago Culentih Exxa Hangit Haak, Tah Baaxo Xaylol Yeyse Xalu Kataselem Diggoyse.

 

Ikraarimte Qisoh Lakqok Daga Gaaboysaanam Elle Xiqan Maduur Yanim Qaddosak, Ikraarisen Culenti Qisoh Boliisi kee Xinniso Yaysisoonuh Macalat Geytimaanam Tama Malaak Yesceseh.

Baaxok Baxaabaxsa Le Dariifal Akkuk Geytimta Giti Cugaysoosa Wagsiisak Ugutte Esseroh Raddih Gacsa Abak, Tama Malaakay, Qimbiseenih Yanin Dago Gititte Dibuk Naharsiino Aceeloonum Yiysixxige. Barittooy, Qaafiyat Kee Elmoy, Lee Kee kalah tan luddittel hangi yomcowwem qaddoyse.