Algin Raatih Taddeerah Daddos Aracat Haynuh Diggaluk luk Taamitenno- Ciggiila Naharsi Malaak Temsegen Turne

 

Addis Ababa Waysuk 21/2018 Algin Raatih Daddoosih Hadaf Aracat Haynuh Digga Luk Taamitenno Ciggiila Naharsi Malaak Temsegen Turne Qaddoose

 

Ciggiila Naharsi Malaak Temsegen Turne Ayyuntiino Retteemah Golil Tatruse Farmol Iyyeemih Algin Raatih Taddeerah Mablak Abbinoosiyya Fanah Akak Culen Assakat Le Agat Asat Kinnim Qaddoose.

 

Mabla Mirraacissol Ixxiga Fanteenah Luk Ityoppiyak Algin Raatih Hora Xer waktih Ekraarisak Taamate Horal Anxaxin Baaxoy Dadalteh Iyya Nagrisoonuh Macalak Geytimanam Yescessem.

 

Rosqa Milaagih Dirribime Isinni Dariifa Ginnituh Qagaaqagitak Konferenis Ekraaro Akah Xayyoosnamak Taturak Naharsi Malaakih Mablah Racissol Mablak Abinah Fanah Qimbisen Macalal Geytima Assakat Le xaloot Kinnim Qaddoose.

 

Baadak Kop 32 Arcibissoh Gudgudih Koobahissoy Algin Raatih Taddeerah Xaloot Kinnim Baxxaqisem 

 

Algin Raatih Taddeerah Kalah Tan Milaagi Xalittek Tiyak Teena Kinnuuk Tamballuye Xalitte Elle Geytimta Ludda Kinnuuk Kulli Liggidal Daabisan Coox Hanaawisak Baarisaanam Faxximitam Kassiisem.

 

Inkih Yan Ayyunti Qaago Daabisnay Inta Radmol Asnata Algin Raatih Taddeerat Gabah Assagalla Haanam Faxximtaamih Seeco Xayyoose.