Qafar Sultan Naharsi Malaak Dr Abiyyi Acamdah Unkaqiino Farmo Tatruse.

 

Addis Ababa  Waysuk  17-2018 (ENA)Qafar Soltan Acmad Qali Mirac Naharsi Malaak Dr Abiyyi Acmad Kee Leeda Partiy 7Heele Amolladi Doorol Teyseh Unkaqiinoh Farmo Tatruse.

Naharsi Malaak Reedal Edde Gace Udduruk Abbixuk Siyaasa Kes Qidaddo Maysasal Kaxxa Doori Digirak Yemetem Kee Ta Macala Itiyoppiyah Daddos Kee Agattinaah Inkittinaane Diggosoonuh Kaxxa Doori Lem Sultan Acmad Qali Mirac Qaddose.

Faxe Qaynatih Gexekalit Boodamah Maqana Le Gitay Tonnah Sarrimaane Dadal Kee Xiqih Macsabal Yafrigenimih Cogda Esserta.

Kalah Itiyoppiyah Ummatta Dooroh Uddur Tubluuseh Tan Diggole Gabah Assagollah Unkaq Ruffa Inteenim Ruffa Innem Axcuk Yescesse.

Inkih Tan Itiyoppiyah Ummattay Baxsaluk Alooqih Horal Yamaatewakti Akah Yamqennah Xaaqo Abenno Axcuk Yiysixxige.

Booduy,Garqiinoy,Tonnah Carbik Currik Yan Dadal Kee Biso Maxco Edde Geyna Qaago Le Wakti Nel Yakkem Niyatna.

Qafar Sultan Akkuk Diggoleeh Saalam Kee Biso Maxco Le Itiyoppiya Akah Ginnimtannih Fayxi Liyom Ascasse Axcuk Sultan Acmad Ali Mirac Yascasse.

Qafar Ummatta Fooca Fanah Baaxo Sabhalal Kee Salaam Diggowuh Doolat Lih Xayyowak Taamitele.

Salaam Dacrisaak Sittallih Foocah Innam Faxximta Iyyem Kee Adda Boditte Kalalluh Inkih Tan Itiyoppiyah Xaylok Sittallih Macallam Axcuk Kassise.

Mango Mangomuk akah Cednennaha itiyoppiyah addal umaadoobaay, naqabuuy, kee Keddaminnu Itiyoppiyay Baxsaluk Qafar Addal Foocah Iyyek Fooca Fanah Fanxah Nan Dadal Kee Biso Maxco Aracat Gatm Duudewaytam Yascasse.

Umaadooba Wasaanama Kaxxam Sissik Maqatta Faxa Caagid Kinnim baxxaqise.