Itiyoppiya Buqreh Luddal Qaadik Tan abinittek Awquk Tellemmo Kee Muddaqiino Rakiibo Daabisak Geytimta.

 

Addis Ababa Waysuk 16/2018 (ENA) Itiyoppiya Buqreh Luddal Qaadik Tan Abtootak Taturak Tellemmo kee Muddaqiino Daabisak Geytimaanam Buqre Tabaatabsih Inistituyutuk Leena Taama Gexseenah Yan Mendefro Neguse (PhD) Qaddoose.

Naharsi Malaak Abiyyi Acmad (PhD) Elle Geytimak Milaaguk Gamadal Sarriino le Tabaatabsi Inta Radmol Ityoppiyah Abbinossah Inta Kobox Gexsitak Geytima.

Tama Konferensil Buqre Tabaatabsih Fanteenak Leena Taama Gexseenah Yan Mandefro Negusse (PhD) Buqre Luddih Tabaatabsih Gexso Wagittaamal Baarle Baxxaqasu Abem.

Tama Aracal Abeh Yan Yaabal Iyyeemih Itiyoppiya Buqreh Luddal Makcaggur le k Investementitte Kee Faxxiima Milaagitte Abak Buqre Ludda Tellemmo Kee Muddaqiino Fanah Tabisak Geytimaanam Qaddoose.

Ityoppiya Tabna sanatih Ekraaru Rakiibo Abak Makcaggur kee Poliisitte Ayyaaquk Dooltay Canka Luddittey Ummattah Fantaaxaw Maqarroosak Hadlissoy, Buqre kee Tellemmo Baarisak Maaqiddi kibaalisso dadalisak Buqreh luddal Murti Kee Murtisso Diggoosak Geytiman.

Mangom Iro Baaxok Culsak Sugen Murtitte Baaxoh Addal Amaratuk Baaxoh Murtisso Baarisak Gadbô xalootuy, Baaxoh Addah Qidaddoh uguugusuy, Teknolooji kee Artificial intelligence Cattiimak Qunxaaneytah Taama saamitte Gino Dubuk Hinnay Maaqiddi kibaalisso Isinni Duudonuh Assakat le Xaloot Elle Amballayuk Geytimam Qaddoose.

Ta Ikraarimte Ekraaruk Ugtak Makcaggur le maaqattootil Sarriino le Gurral Buqre daddoosuy Barri Dadalay Maqarle Qidaddoh Rakiiboh Luk Ityoppiya Fooca Fanah Maaqatta Aaqituk Geytimatam Qaddoosem