Rakaakayak culenti biiro Samarâ jaamiqatallih cattimak 2016-2020 fan gexsitak geytimah culenti kusaq Matbaqa gaba kalak sittal tabsaanam aben.

 

Addis Ababa Waysuk 16/2018 (ENA) Samarâ jaamiqat matbaqat akak abteh tan ta kusaq Samarâ jaamiqatak kusaq kee teknolojih tabaatabsak ciggila perezdenti Gifta Adam Qali Kabo, Rakaakayak culenti biirok Naharsi saqal Gifta Awwal Qabdu Tabsem.

Ta kusaq 39 daqaaray 5 Magaala xinissosa kee baxabaxsale biirora edde anuk culenti gaaboysol missoweh yan kusaq 3 afah Qafar afay,amcari af kee Englizih afat missoweh yanim qaddowte.

Rakaakayak culenti biirok Naharsi saqal Gifta Awwal Qabdu iyyemih Ta kusaaqak qimbo madma culenti Gaaboyso xaloot kusaaqisaanam kee fooca fan culenti duddah yaysiisonuh edde doqaysimenih yanin cogda kinnih tanim qaddose.

 

Rakaakayak culenti gaboyso kee xinisso siirat qasriino fan akah kora innah madqa kee maqatta(callite)xayyosonu kinnih tanimiy ascasuk ta kusaq gaba kalh yan udduruh ugtuma akkuk culenti gaboysoonuh dudda maqarroyselonum yescesse.

Samara jaamiqatak kusaqay kee teknolojih tabatabsul ciggla peresedenti daqoritiil yekkeh yan kusaqal kulli daqar culetak geysiisam duudam caddo caddoh daffeysak faxxima kusaq yekkehbyanim qaddose.

Ta kusaq ta caddo gufuh kenilih cattimteh tan Culeti biiro Gadda gacisak foca fan tabisle taama kee kalah tan taamoomi sittalih abak gexelonum