Baaxo Xisaanam Inki Horat Taadiye Taama Hinna - Naharsi Malaak Abiyyi Acmad (PhD) - ENA Qafar Afa
Baaxo Xisaanam Inki Horat Taadiye Taama Hinna - Naharsi Malaak Abiyyi Acmad (PhD)
Addis Ababa Waysuk 16/2018 (ENA) Baaxo Xisaanam Inki Horat Taadiye Taama Hinnay Sarriinole Takke Taama Kinnim Naharsi Malaak Abiyyi Acmad (PhD) Qaddoysem.
Naharsi Malaak Abiyyi Acmad "Ityoppiya Abbinosle" Iyya Agat Koboxul Geytimemih Ruffa Iyyeh Yanim Yescessem.
"Milaaguuk Sarriinole Tabaatabsa" Inta Itrol Gexsitak Geytimah Yan Koboxul Kulli Caddol Genxeeh, Gufneh Nan Caddo Edde Genxe Gita Qagitaak Wagitnuh Baritto Takkem Xiqqintam Naharsi Malaak Qaddoysem.
Baaxo Isi Duddal Nabah Yan Asqassabe Karawwad Xisak Gibbatime Wayte Nabah Tan Daddos Cugaysoosa Abbinoosak Fayyale Caddo Fan Tabak Geytimtam Baxxaqsem.
Qimbisimteh Tan Milaagi Taamoomi Elle Cabo Wadba Akke Sinnim kee Ciggilta Horah Kaxxa Rakiibo Takkem Kinnim Yescessem.
Baaxo Xisaanam Inki Horat Taadiye Taama Hinnay Sarriinole Taama Kinniimih Taagah Ta Diggale Hadafal Ityoppiyah Xaylo Baaxo Fooca Haanamih Seeco Tatrusem .