Qafar Daddos Egla Dubte Meqem Abittoh Egla Kee Help of Afrika Luk Cattimak Saqi Aydorral Xiissimteh Tan Eglaalih Wadar Qokol Aben

 

Addis Ababa Waysuk 15/2018 (ENA) Qafar Daddos Egla Master Card Faundation Deqsitta Maali Qokolot Dubte Meqem Abittoh Egla Kee Help of Afrika Deqsitta Egla Luk Cattimak Dubte Qaliqisa Kee Ayrolaf Kee Gabalayto Awdodil Geytima Saqi Aydorral Miraacsimteh Tan Eglaalih Wadar Qokol Aben.

 

Ta Qokolih Aracal Geytimak Yaab Abteh Tanim Qafar Daddos Eglak Naharsi Saqal Doktor Konte Muusa Iyeemih Egla Dacarsittoh Xiinak Qidaddo Fayya Hanamal Baxabaxsale Meqem Abittih Eglali Luk Cattimak Baxabaaxsale Luddal Miraacsimteh Tan eglalih Qokol Abak Geytimanam Qaddoyse.

 

Master Card Foundation Geytima Maali Qokolot Dubte Daqaarak Baxaabaxsale Awdodil Geytima Qunxaaaneyta Kee Sayyok Qidaddo Dudda Gablusonuh Baxaabaxsale Qokol Abak Geytimanah Yaninim Qaddowte.

 

Dubte Magaalak Kabxa Kee Qadaaga Kutbeh Buxa Saqal Gifta Cussen Naasir Qafar Daddos Egla Baxaabaxsale Awdodil Geytimta Sayyo Kee Qunxaaneytak Qidaddo Fayya Hoonuh Abak Geytiman Qokolitte Assakat Leh Tanim Ascasuk Ta Xissmitteh Tan Eglali Fooca Fan Faxximah Yan Qokol Kee Kattat Abelonuh Yaninim Qaddoyse.

 

Ciggilak Dubte Meqem Abittoh Eglak Adoytah Yan Gifta Macammad Egacale Iyeemih Qafar Daddos Eglak Geytimeh Yan Maali Qokolot Magaala Caddibnal Liciiyik Amo Takke Eglali Xiisak Geytimanah Yaninim Aacsasuk Sayyok Qidaddo Fayxi Arac Xagsonuh Taamitak Geytimanam Yescesse.

 

Help Of Afrika Saqal Yan Gifta Girma Iyeemih Ayrolaf Kee Gabaloyti Awdak 50 Takke Sayyo Xiisak 150 Daga Yakke Wadar Qokol Abeenih Yaninim Ascasuk Dacarsittoh Xiina Sayyok Qidaddo Fayya Hoonuh Taamitak Geytimanam Qaddoysem.

 

Ellacabol Qokol Akah Aben Dagorti Inteemih Geenih Yanin Qokolt Meqe Saami Fan Korisak Fooca Fan Ta Saq Qadaaga Fan Beyak Iro Baaxo Fan Ruubak Yayseh Qidaddo Sinnik Edde Gablusonuh Taamitelonum Yescessen.