Ityoppiya Koraan Makaayin Baarisak Algin Qidaddoh Dadalah Ceelallo Yakkem Xiqa Xalu Geysiisak Geytimtam. - ENA Qafar Afa
Ityoppiya Koraan Makaayin Baarisak Algin Qidaddoh Dadalah Ceelallo Yakkem Xiqa Xalu Geysiisak Geytimtam.
Addis Ababa Waysuk 15/2018 (ENA) Ityoppiya Koraan Makaayin Baarisak Algin Qidaddoh Dadalah Ceelallo Yakkem Xiqa Xalu Geysiisak Geytimtam Merraytu kee Loojstiik Malaakih Xeeta Barqo Casan Qaddoysem.
Ityoppiya Algin Qidaddoh Dadala Sahhilossa Merrayttuy, Inxustriiy, Cayla Qidaddissa Teknolooji kee Koraan Makaayinil Hangi Haak Taamitak Geytimtam.
Tahah Kulli Sanatal Siragleleeh Yawqe Awqenta Daggoowu Kee Asqassaabe Caylat Miracsima Merrayti Siirat Fayyale Caddol Xisak Geytimtam.
Merraytu kee Loojstiik Malaak 18ak Dagah Federal Fantenaani Edde Tengeleh Tan Qusba Koraan Makaayinih Istirateeji (2025-20230) kee Abnissoh Ifa Abeh Yanim Tamixxigem.
Merraytu kee Loojstiik Malaakih Xeeta Barqo Casan Ityoppiyak Xaagi Raceenah Elle Qaddoysennal Ta Istirateeji Baaxok Merrayti Exxa Koraan Cayla Fan Milaaganamih Gexsit Abina Fan Culsak Fantenaani Sittaluk Cattiimak Taamitoonuh Missoyseenih Geytimaanam Yescessem.
Ta Koraan Makaayinih Uguugus Baaxoh Caddol Siraglele Taqabi Daggoysak Ityoppiyah Qidaddo Muddaqiino Daabimtu kee Ayyunti Manoh Sarriinole Caddoh Maysaasah Kaxxa Dudda Ginelem Yescessem.