Ayyunti Nel Qideh Yan Qaaqa Arac Gufusnu kee Ityoppiyah Leeda Daabisnuh Macalenno - Magaalah Xiinissoh Saqla Axaanech Abebe - ENA Qafar Afa
Ayyunti Nel Qideh Yan Qaaqa Arac Gufusnu kee Ityoppiyah Leeda Daabisnuh Macalenno - Magaalah Xiinissoh Saqla Axaanech Abebe
Addis Ababa Waysuk 15/2018 (ENA) Ayyunti Nel Qideh Yan Qaaqa Arac Gufusnu kee Ityoppiyah Leeda Daabisoonuh Macaleloonum Addis Ababa Magaalah Xiinissoh Saqla Axaanech Abebe Qaddossem.
Araaxa Beginnet Ganda Cayla Dagoytit kee Baaxô Meqem Barleelah Buxaaxi Qarwah Qimbisissoh Taddeera Gexsen.
Qimbisissô Taddeeral Magaalâ Xiinissoh Saqla Axaanech Abebey, Ciggiila Magaalâ Xiinissoh Saqal Jantirar Abbayaay, Magaalâ Xiinissoh Fayyale Mirraciinuuy, Gaddaloolaay, Diini Abbobtiiy, Abbagexa kee Magaalâ Footimah Sugmentit Elle Geytimtem.
Ta Aracal Magaalâ Xiinissoh Saqla Axaanech Abebe Araaxa Begonnet Gandah Xisne Ayyunti Nel Qideh Yan Amaan kee Neg Yacen Xongoloh Xagana Tabisne Ayrok Gersi Maac Kinnim Baxsa Bahsissa Tescessem.
Ta Xisne Gexam Sefer Kak Iyyan Dariifal Qagitaak Takke Xiso Kasiisaak, Qimbô Mafdagal 9floor Yakke Qasri Kalqat kee 4floor Takke Qadaaga Fanteenah Xisne Akkelem Tiysixxigem.
Ta Caafat Ahak Afal Sugmentit Maoh Bica Luk suge Wayteh Tanim kee Aydaadi Daaranittee Elle Tanih Tan Arac Kinnim Qaddossem.
2018 Liggidal Karma Labbat Ayfaafayal Sugmentit Antiqimiyya Daabissa Baxaabaxsale Taddeeraari Ikraarisak Abnisso Fan Culelem Tiysixxigem.