Doorok Lakih Udduurul Agat Tuxxiq Daccartimtu kee Kobxissa Daalisso Maqarrowtuh Taamitenno. - ENA Qafar Afa
Doorok Lakih Udduurul Agat Tuxxiq Daccartimtu kee Kobxissa Daalisso Maqarrowtuh Taamitenno.
Addis Ababa Waysuk 12/2018(ENA) Doorok Lakih Udduurul Agat Tuxxiq Daccartimuuy, Ayyunti Daddos Gabat Agle Dadaltu kee Kobxissa Daalisso Maqarrossam Xiqta Taamoomil Hangi Haak Taamiteloonum Ityoppiyak Xaagi Raceenah Taama Abeenit Qaddossem.
Ityoppiyak Xaagi Raceenah Taama Abeenit Baaxok Wakti Caalatal Walal Gexsen.
Fanteena Taama Abeenit Agat Tuxxiq Daabissaah, Daddos Gabat Agle Dadlissaah, Kobxissa Daalisso Maqarrossa Taamoomi Ayyunti Baaxoh Caagiidal Faxximta Hangisso Yalloonuh Kaxxa Doorilem Qaddoysen.
Ityoppiyak Xaagi Raceenak Leenah Taama Gexse Gifta Seyfu Xeribe Ta Walal Aracal Elle Qaddoysennal Ityoppiyak Xaagi Raceena Doorok Afah Uddur kee Dooroh Uddur Ayyunti Abeh Yan Dooro Curri kee Ximokraasile Caalat Ginniimuh Gersi Mangaafa Retteemaamillih Gacak Faxximta Taama Abteh Tanim Qaddoysem.
Doorô Lakih Udduruel Takkem Faxximta Taamoomi kee Gersi Doorok Iroh Tan Madabah Tan Meqe Xiinisso kee Daddos Taamoomih Hangi Cayuk Taama Akkalem Ityoppiyak Xaagi Raceenak Ciggiila Leenah Taama Gexse Gifta Negasi Ambaye Yiysixxigem.
#ityoppiyak_xaagi_raceena #ENA#