Karmah uddurih Addat takkeh Tan Labbat Ayfaafih Qaada fayya le Caddo fanah Tabisenno- Doolat Angaarawih Ayfaafay - ENA Qafar Afa
Karmah uddurih Addat takkeh Tan Labbat Ayfaafih Qaada fayya le Caddo fanah Tabisenno- Doolat Angaarawih Ayfaafay
Addis Ababa; Waysuk 12/2018 (ENA): Karmah Uddurih Addat Takkeh Tan Labbat Ayfaafih Qaada Fayyale Caddo FanahTabisenno Axcuk Doolat Angaarawih Ayfaf qaddoose.
Doolat Angaarawih Ayfaf Karamah Uddurih Addat Takkeh Tan Labbat Ayfaafih Taddeera Wagsiisak Maybalaalaqa Yeyyeeqen.
Ityoppiya Warrayte Milaagi Liggiditteh Addat Kullih Karmah Namma Luddal Taamitaanamih Qaada Maqarroosak Geytimaanam Ascassuk Ityoppiyak Algin Raatih Taddeeral Kee labbat Ayfaafa.
Ityoppiyak Garbo Gaddi Qabaara kee Ballaaqe Abtah cotiyya Ossiimak Elle Yamateemil Cabtah Tan Raatisso Cubbit Haak Doolat Algin Raatih Daddoosih Taddeera Miliyeental Loowinta Coox Daabisak Warrayte Liggiditteh Addat Qimbisak Xaloot Amballayuk Geytima.
Ityoppiya Ayyunti meqem kabanal Wadbeena Akak Fayya le Caddol mohoodisak Algin Raatih Taddeerah uguugusul elle Faxximita Gurral Abbinoosak Baad cakkumsat Xaloot Elle Amballayuk Geytimam Ascassuk Maaqidday, Garbooy, Qaxameqey Coox Daabisak ityoppiya Alginaanak Sarisaanamih Qaada Maqarroosak Geytimaanam Qaddoose.
Kulli Liggidal Biliyeental Loowima coox Daabisak baad Ummattah Qadadal Koona Dirribuh Tandabbe 48 Biliyeenih Coox Daabisak Ityoppiya Garboh Baarisso Dirribuh ossiimak Maaqidda Kibaalisso Diggoosnuh Rakiibo Daffeesak Geytimaanam Baxxaqisen
Algin Raatih Taddeeral Ityoppiya Ayyunti Sittaluk Cattiimal Inki macsental Miliyeental Loowinta Coox Daabisaanam Baad Ummattak Hangisso Hirgitam Duddeh Tanim Ascassuk Ni Konnabnah muddaqiino ni Gabat Tanim Qagitaak Diggosneh.
Karamah Takkeh Tan Labbat Ayfaafih Taddeeral Dadalisak Fayyale Caddo Fanah Algin Raatih Taddeera kee Labbat Ayfaafih Taddeerah Baaxok qaada Abak Warrayte Liggidak Aysuk Asanat Fayya le Gabah Assagolla Edde Aboonuh Taakume bicittek Gabakaleenih Geytiman.