Ityoppiyak Agat Mabbalowih Kimishin Ditelik 8/2018 Qimbisak Gexisu Waah Yan Agat Mabbalowih Koboxuh Abah Yan Bica Maqarroosak Geytimam.

 

Addis Ababa Waysuk 11/2018 (ENA) Ityoppiyak Agat Mabbalowih Kimishin Ditelik 8/2018 Qimbisak Gexisu Waah Yan Agat Mabbalowih Koboxuh Abah Yan Bica Maqarroosak Geytimam.

Addis Ababal Acayuk Geytiman Ta Fayu Abeenit Aydakaakan Waysuk 11ik 17/2018 Gexsitelem Yescessen.

 

Aydakaakan Fakkentih Taddeeral Geytimeh Yan Komishinik Leenah Komishiner Pr Mesfen Araaya Ta Aydakaakan Baxsitte Walal Elle Tanfiddigime Qidiino kee Sittingeyil Ityoppiya Xissimtuh Sittalih Abnah Nan Gexsoh Mafdagah kaxxa Xalu Kinnim Qaddoysem.

Fayu Abeenit Ta Nabah Tan Baaxoh Amaanak Xuwawaay, Sabri kee Malakmiisiinul Kak Yawqeenim Faxximtam Kasiissem.

 

Galli Maroh Eglak Daddos Pirigraamak Ityoppiyah Awlaytu Samuyel Xo Fayu Abeenit Ta Gexsitih Addal Uguttah Tan Baxsale Fayxiixa Elle Faxximtannal Yafhimeenim kee Baxsaanam Faxximtam Yescessem.

 

Ityoppiyal Yan Iswiixin Impaasik Ciggilta Saqla Hexvig Luhmi Mabbalow Xaluh Iswiixin Impaasi Isi Doorik Awquk Geytimtam Qaddossem.