Barittô Siirat Qadaagâ Fayxilluk Qeedaalisak Sarriinole Taamâ Saami Ginniimuh Kaxxaam Faxximtam Kinni.

 

Addis Ababa Waysuk 04/2018 (ENA) Barittô Siirat Qadaagâ Fayxilluk Qeedaalisak Sarriinole Taamâ Saami Ginniimuh Kaxxaam Faxximtam Kinnim Galli Maroh Eglak Leenah Kutbe Abeena Amina Macammad Qaddossem.

Taamâ Saamih Hadlissol Hangi Hayta 2026 Afrikak Development Impact Forem Galli Maroh Eglak Afrikak Qidaddô Komishinil (ECA) Gexsitak Geytimtam.

Galli Maroh Eglak Leenah Kutbe Abeena Amina Macammad Ta Aracal Elle Qaddosennal Afrika Nabah Tan Meqe Saamitte Kaxxaam Faxxiima Gital Geytimtam Qaddossem.

 

Mexxat kee Sarriinole Taamâ Saamitte Ginnintuh Qasri Baritto Siirat Qadaagalluk Elle Faxximtannal Qeedaalisaanam Faxximtam Kassissem.

Baxsaluk Sissikuk Dadalak Yemeete Afrikah Qunxaaneytih Ixxima Hangit Haak Miiliyoonittel Loowimta Mexxatle Taamâ Saamitte Ginaanam Aakam Kah Yacen Caagid Kinnim Baxxaqissem.

Asanati Forem Fidgaagi Baxisak Maqarle Qokol Xisaanam kee Abnissô Wadbeenah Gita Baxisak Inkih Yan Afrikah Qunxaaneytah Yanbulle Xalule Abnisso Faxximtam Tescessem.