Rakaakayak Barittô Biiro Aqayyaarek Taakume Bicitte Wagittaamal Wagittah Tan Dagortillih Walal Gexissem. - ENA Qafar Afa
Rakaakayak Barittô Biiro Aqayyaarek Taakume Bicitte Wagittaamal Wagittah Tan Dagortillih Walal Gexissem.
Addis Ababa Waysuk 03/2018 (ENA) Rakaakayak Barittô Biiro Aqayyaarek Taakume Bicitte Wagittaamal Wagittah Tan Dagortillih Walal Gexissem Qaddoysen.
Rakaakayak Baritto Biirok Naharsi Saqal Muusa Adam agat caddoh aqayyaare, 12 hayto footimak Online aqayyaarek yaakume bici taama wagittaamal Rakaakay Tele kee Rakaakayak kooraan Ayfaafiyih Miraaciinllih walal Gexsem.
Tama aracal Rakaakayak Baritto Biirok Naharsi Saqal Muusa Adam, Rakaakayak kooraan Ayfaafiyih kutbeh buxah Saqal, Salih Macammad Qaliyyu kee Rakaakayak Teleh Ayfaafayih saqal, Birhaane Fasahlluk sitta lih gacak agat caddoh 12 hayto footimak Online aqayyaare Onlaayinil takkuh Rakaakay caddol doreenih yanin barittoh buxaaxil akkuk geytimtah tan yaakume bici tamoomi maca ceelak geytimam sitta lih kusaaqisak baar leh yan walal elle aben.
Tama kusaq walal taway fanah aqayyaare fanteenaanil tekkeh tan yaakume bici tamoomi elle faxximtannal akkuk geytimtah tanim yabloonu xiqen.
Illacabol, Rakaakayak Barittô Biirok Naharsi Saqal, Raaqeh uddut takkem faxximtah tan tamoomi kee kulli massayna isi lofti beyak Sitta lih gacak Aqayyaare meqe gurral gexsittuh takkem faxximtaal afkan acayuk walalak amogacsa abem Rakaakayak Baritto Biirok Geyne Oyti Diggoysa.