Cagay Efeq Buqreh Daddoosul Maaqiddi Kibaalisso isinnik Diggoosak Buqreh Xiina Tuxxiqitte Dadalisak Geytiman

 

Addis Ababa; Waysuk 3/2018 (ENA): Oromiyah Rakaakayal Cagay Efeq Buqreh Daddos Maaqiddi Kibaalisso Isinnik Duudanmak Taturak Buqreh xiinah Tuxxiq Dadalisak Geytimaanam Rakaakayak Ciggiila Saqal Awwalu Abdi Qaddoose.

Oromiyah Rakaakayak Kilbatti Shewah Rasuk Kimbebeta Daqaarih Caddol 21,463 Hektar Takke Baaxol Efeq Sirrayih Buqre Abquruk Geytimaanam Qaddoose

Oromiyah Rakaakayal Cagay Efeq Buqre Daddosih Maaqiddak kibaalissok Taturak Maaqiddi Amobaaxxaqa Diggoosonuh Kaxxa Doori lem Qaddoosem

 

Oromiyah Rakaakayih Caddol Yakkeh Yan Cagayih Efeq Daddos Baxaabaxsale Taama Saami Ginak Buqreh Xiinah Culenta Xambaqquh ossiimak Geytimtam Baxxaqisem

Daddos Taama Buqre Tabaatabsuh Cato Abak Geytimtam kee Buqre makanizeeshin Satqo Ixximaay, Maxxat kee Hadlissot Cattiomak Elle faxximita Gurral Abbinoosak Geytimaanam Qaddoose

Warrayete Sanootah Oromiyah Rakaakayal Cagay Efeq Sirray Buqreh Abeenih Yanin Asqassaabe Dadlisoonuh Uguugus Abbinoosak Sugeenih Yaniinimih Taagah Karmah Rob Dubuk Qambaalak Sugte Buqre Abak woo Gexsit Milaagimak Geytimtam Kassiise.

Buqreh xiina Kulli waktil daddos Taamoomi Akah Aban Innah Barri daddos baarisak Buqreh Caddol Sugte coocitte missoosak Gexsit Milaagak Abak Geytiman Taamoomi fooca Fanah Maqarroose Loonum Qaddoose