Addis Koora Inki Ayfaafayih Fanteena 230Alfiik Dagah Taffaafo Arcibissam Xiqte.

 

Addis Ababa Waysuk 03/2018 (ENA) Addis Koora Inki Fanteenah Xijjital Doolat Ayfaafay Taama Qimbiseemik Xabba Haanam 230Alfiik Daga Ayyunta Arcibissam Xiqtem Magaalâ Xiinissoh Kutbeh Buxa Tiysixxigem.

Fantenaani Boolul 99%(gaba) Taffaafo Satta Geysisseh Tanim Yiysixxigem.

Addis Ababah Magaalak Ayfaafay Mattaco Qasriino Fan Korsoonu kee Ayfaafay Satta Ginnimtuh Biceh Yan Koorah Ayfaafay Xalu Geysiisak Geytimam Yescessem.

 

Waysuk 30/2018 Liggida Fan Fantenaani 11Fanteena Gufsoonuh Ikraarisak Taamitak Geytimaanam kee Laqinik 30 fan sagla Fantenaanil Axcih Araaxaay, Booleey, Lixetaay, Qhirqhosuuy, Addis ketemay, Gulelleey, Nifaas Silki Laftooy, Kolfe Qhirrane kee Yekka Duddalennal Taama Fan Culsaanam Xiqqimtem Qaddoysem.

Addis Koora Inki Fanteena Xijjital Ayfaafayak Leenah Xayrekter Injiner Xessalegn Terrefe Raqteh Tan Aqhaqhi kee Lemmi Kurah Fantenaanih Xisne Boolul 99.5gabaak Daga Gufteh Taniimih Taagah Ciggilta Ayroorah Addat Dooqaysak Ayfaafay Qimbissuh Bici Gaba Kaleh Yanim Baxxaqsem.

 

Fantenaani Taama Qimbisseemiy Akkeh Ux Udduurih Addat 230Alfiik Dagah Sugmentit Arcibisseh Tan Way Abeenih Yanin Ixxol Taffaafô Satta Boolul 99gaba Guftam Xiqqimtem Qaddoysem.