Samará Jaamiqat Kee Haramayah Jaamiqat PHD Barittoh Qimbisiisiyyih Sittingey Gexsen.

 

Addis Ababa Waysuk 01/2028 (ENA) Samarâ Jaamiqat Kee Harmayah Jaamiqat Climate Smart Agriculture Addat Tanih Tan Mango Barittootak PhD Baritto Elle Yaceenim Duudumta Gurrak Sittingey Taddeera Gexsen.

 

Ta Taddeeral Samarâ Jaamiqatih Perezixanti Macammad Qusmaad (PhD) Kee Harmaayah Jaamiqatih Prezixanti Jamaal Yuusuf(PhD) Elle Geytimtem.

 

Ta Taddeerah Aracal Yab Abeh Yan Samarâ Jaamiqatih Prezixanti Macammad Qusmaan(PhD) Elle Yescesseh Yan Innal, Ni Baaxo Itiyoppiya Awayih Uddur Daffesseh Tan Maaqiddak Isinni Duudaanah Maaqiddi Caabi Diggossuh Abtah Tan Macalih Addat Ta Namma Jaamiqat Asaaku Abtah Tan Baritto Sittin Gey Kaxxa Caddo Leh yanim Yescesse.

 

Tasaakî Sittin Geyiih Taddeera Baaxoh Caddol Faxximtah Tan Maaqiddi Caabi Arcat Haanamal Isikkeh Doori Kah Digirtannah Taamite Loonuh Yaniinim Baxxaqse.

 

Samara Jaamiqatih Perezixanti Macammad Qusmaan(PhD) Qafar Rakaakay Leh Yan Wacaysir Gaddaay Tonnaah Rakaakay Caddol Maaqiddi Caabi Diggowtuh Ta Jaamiqat Abak Geytimah Yan Macalah Ta Sittin Geyih Taddeera Kaxxa Caddo Leh Taniimit Yaabe.

 

Harmaayah Jaamiqatih Prezixnti Jamaal Yuusuf(PhD) Elle Yescesseh Yan Innal,Agat Caddol Geytimtah Tan Jaamiqatittek Dadalak Geytimtah Awayih Uddur Baxsa Le Macal Abak Geutimta Samarâ Jaamiqata Luk Annah Yan Sittin Gey Kaxxa Maaqatta Kinnih Tanimiiy Kssiise.

 

Samara Jaamiqat Kee Harmaayah Jaamiqat Bisoh Mango Taddeeraari Siitallih Abtaamih Hadaf Loonuh Yaniinimiiy Kassiise.

 

Ta Sittin Gey Namma Jaamiqatih Caddol Rosqâ Milaagih Luddal Xaloot Le Sittin Gey Kinnih Tanim Etv Qafar Afih Exxak Geyne Oyti Yascassem.