Horaak Horal Tabta Rakiibô Daddositte - ENA Qafar Afa
Horaak Horal Tabta Rakiibô Daddositte
Addis Ababa Laqinik 30/2018 (ENA) Baaxô Doolatih Xisne Rakiibo Daddosuuy, Ayyunti Caylih Daddos Kee Qidaddo Duddih Xisnel Abaanah Yanin Taamomi Kinni.
Itiyoppiya Isi Aydaaduh Baxabaxsale Aqayyarettel Xaqxaqak Asaakih Ayro Dadal Kee Sarrinole Daddosih Safarat Geytimta.
Awayih Uddur Itiyoppiyal Akkuk Geytimta Daddos Cugaysoosa Asaaku Dibuk Hinnay Horaak Horal Raqta Diggole Qidaddo Kee Sabhalal Le Baaxo Akah Ginan Innah Ekraarisak Taamitak Geytiman.
Gitittey,Holholittey,Qaran Merraytih Booxaxi Kee Magaala Daddosih Innah Tan Taamomih Cugaysoosa Inki Baaxok Qidaddo Dadal Taysissike Rakiibo Hadafitte Kinni.
Itiyoppiyak Baxaabaxsale Dariifal Akkuk Geytimta Gititte kee Magaala Daddosih Cugaysoosa Kabxa Dadlisak Ayyunti Gufne Kee Mano Maxxat Aysiisuk Geytimtam Warsen.
Cugaysoosa ux waktih taamah saamitte gintam dibuk hinnay baaxoh addah murti kee tellemmoh dudda maqarroosak ciggiltah tan Horal Tatrusanam Xiiqanah Yanin Gadda Kinni.
Baaxo Dadal Cayli Cayyosut Asgarawuk Cayli Raceenaanih Cugaysoosa Akah Maqarrosan Innah Baar Le Taamomi Tekke.
Kooran Caylih Raceenaani Baarisanam Sanaqatta Dadlisanamay, Barri Dadal Yaysissikeenim kee Ummattah Manoh Caddo Yaysisoonuh Kaxxa Doori Digirta.
Tahak Ugut Abak Baxabaxsale Dariifal Leey,Ayro Kee Silayti Caylal Taamitta Cugaysoosa Sarrino Lennal Xisak Geytiman.
Ta Cugaysoosa Asaakih Horah Cayli Fayxi Kibaanam Dibuk Hinnay, Yamaatu waa Horah Cayli Fayxih Raddi Yacoonuh Rakiibo Taama Takke.
Maaqiddi Caabi Kee Industry Dadal Inki Baaxok Rakiibo Qanditte Kinni.
Buqre Daddos, Qasri Buqreh Teknoloojih Antifiqquk, Industirih Parkitteh Xisne Baaxoh Murtissoh Dudda Dadlissa.
Baaxoh Addah Murtitte Ossawak Iro Baaxok Culak Sugte Murtitteh Fayxi Tankuseeh,Qunxaaneytah Taama Saamitte Baarimtah Tonnah Yamaate Horak Diggole Qidaddo Xissimtuh Muhummik Tanimi.
Awayih Uddur Akkuk Geytimta Rakiibo Daddosittey,Caylay,Buqrey,Industriy Baritto Kee Qaafiyat Cugaysoosa Asaakih Hora Dibuk Hinnay Yaamate Horal Taturta Sarrino Le Daddos Taamomi Kinni.