Samarâ Jaamiiqat Gita maliinoh Yekke safar wagittaamal Baaxoh Caddol kusaq Walalih Gudgud Gexisen - ENA Qafar Afa
Samarâ Jaamiiqat Gita maliinoh Yekke safar wagittaamal Baaxoh Caddol kusaq Walalih Gudgud Gexisen
Addis Ababa Laqin-Alsak 28/2018 (ENA)Samarâ Jaamiiqat Kee Federaalak Madqa Kee Qadli Instiitiyuut Siita Luk Cattiimak Gita Maliinoh
Yakke Safar Wagittaamal 44 Takke Doolat Jaamiqatittek Tu Taaxago Edde Tengele Baaxo Caddoh Kusaq Walalih Simpoziyeem Gexsen .
Tama Baaxo Caddoh Simpoziyeem'il Baxaabaxsa Le Jaamiqatittek Temeete Gaanuun Tu-Taaxagoy, Kusaaq Abeenit kee Seeco Kah Tekke Dagorti Fidin Kusaaq Xalu Xayyoosak Walal Edde Aben.
Gudgudul Geytimaak Fakkenti Yab Abeh Yan Samara Jaamiqatak Bartaanah Barsaanamih Luddal Ciggiila Prezixentih Yan Dr Qabduracmaan Khadir Iyyeemih Gita Maliinoh Yakke Safar Afrikah Gayseey Baxsa Luk Itiyoppiyal Kaxxa Taqabi Kataasak Geytimam Ascassuuk Siitin-qokol Kee Ixxigal Rakuh Yan Makcagguur Yanuh Faxxiime Gudgudu Kinnih Tanim Yescesse .
Qunxaaneyti Isi Baaxoh addat Milaagimam Xiqah Afa Baaxo Fan Gita Maliinoh Aban Safar Cawlay Gadda Ken Abam Kassiiseh Yan Dr Qabduracmaan Khadir Tah Raaqisoonuh Caagiida Wagitta Dagorti Siita Luk Taamittam Faxxintah Tanim Baxxaqise .
Dr Zakariyas Erkolla Federaalak Madqa Kee Qadli Instiitiyuutuk Ciggiila Xayrikteer Kinnuuk Iyyeemih Gita Maliinoh Yakke Safar Baaxo Caddooy Dariifa Dibuh Hinnay Baad Caddol Hangi Faxa Caagid Kinnih Tanim Ascassuuk Tah Raaqisoonuh Kulli Buxah Mari Isi Masquuliyyat Beyaamak Qimbissah Tanim Kee Tah Dagoomuk Yablen Caagid Akke Sinnih Tanim Diggoose .
Gifta Qali Zeynu Samara Jaamiqtih Barseenaay, Jaamiqatak Kusaaq Kee Teknolojih Tabaatabsih Luddal Ciggiila Prezixentih Awlaytu Kinnuuk Iyyeemih Itiyoppiyak Cuddudul Raqta Dariifak 8 Takke Jaamiqatitte Kusaaq Edde Xayyoosak Geytintam Amolladih 44 Takke Doolat Jaamiqatittek Gaanuun Tu-Taaxago Edde Tengeleh Tanim Kassiise .
Tonnah Wachamooy, Gambella Kee Arbaminchih Jaamiqatittek Temeete Tu-Taaxago Afa Baaxo fan Gita-Maliinoh Yakke Safar Ayyuntiinooy, Madduur Kee Siyaasa Caddol Inkih Taqabi Kataasak Geytimam Kassiisak Tabisle Gudguditte Missoosaanam Abak-raag Tabaatabsuh Kaxxa Doori Leh Tanim Kee Foocah Inki Mogoy Akkuk Taamiteloonum Yescesse .