Doorot Adaf Yakkoonuh Yekke macal Ayyunta kee Saay dagortih Macalal Baxqisaanam Xiqqomte-Salaam malaak

 

Addis Ababa Laqinik 29/2018 (ENA) Itiyoppiyal Gexsitteh Tan Doorot Adaf Yakkoonu kee Ayyunti Salaam Bohoyut Culsoonuh Baatileenit kee Iroh Caylitte Fakteh Sugteh Tan Gano Baxqisaanam Xiqqimtem Salaam Malaak Macammad Idriis Yiysixxigem.

 

Malaak Teyyeeqeh Yan Mayblaaalaqal Baaxô Caddoh Milaagu Oggole Sinni Dagorti Baaxol Qarkakisiinu Abanamakkalah Qasri Teknoloojit Antifiquk Mesenkeca-wag qeebi Sugeenih Yaniinim Yescessem.

 

Itiyoppiyah Doolat Dooro Muddaqiino kee Ximokraasih Siiratih Xisneh Diggoysoh Beyak Sittaluk Gacak Taamitak Geytimaanam Qaddoysaak, Reeda Tabaatabsa Xongolo Mattacol Hinnay Caylah Raaqissam Faxxa Dagorti Adda kee Iroh Caylitte Gano Tamoomi Abak Sugeenih Yaniinim Yescessem.

 

Takkay Immay Itiyoppiyah Xaylo Ta Ganeenitih Gano Baxqisak Ayyunti Ayro Sittaceelak Awquk Xongolo Acayuk Ganeenit Fayxi Baxqisaanam Xiqqimtem Qaddoysem.