Afrikah Egla kee Chayna Makcagguruk Yan Qokol Maqarroyseloonum Qaddoysen. 

 

Addis Ababa Laqinik 28/2018 (ENA) Afrikah Egla kee Chaynak Loonuh Yanin Makcagguruk Yan Qokol Maqarroysak Gexeloonum Qaddoysen. 

 

Afrikah Eglah Kimishinih Saqal Macmud Qali Yuusuf Afrikah Eglak Chaynah miisiyoonih Mirac Ambaasadder Jiyangu Fengin Isi Kutbeh Buxal Oggolak Walalisem.

 

Komishin Saqal kee Ambaasadder Afrikah Egla kee Chaynah Fanal Makcagguruk Yan Sittin Qokolih Caagiidal Walalen. 

 

Ta Walalih Uddur Chayna kee Afrikak Qokol Gudgudul Takkeh Tan Taamoomi Edde Anuk Qaranguba kee Chaynah Fanal Yan Sarriinole Makcagguruk Yan Sittin Qokol Elle Maqarroysan Caalatal Walaleenim Baxxaqsen. 

 

Tahat Ossotinah Chayna kee Afrika Aakam Kah Taceh Tan Daddos Caagiidal Abaanah Yanin Qokolul Sittalih Taamiteloonum Yescessen.

 

Qaranguba Salaamaay, Daddos kee Leedal Daabisoonuh Maqarle Afrikah Egla kee Cahynak Qokol Ginaanam Faxximtamal Diggaluk Taamiteloonum Qaddoysen.

#itiyoppiyak_xaagi_raceena #ENA#