Mizaaniyyat Liggidat Ummattak Daddos Esseroorah Raddi Yacoonuh Qimbiseenih yanin Taamoomi Abbinoosnuh Hangi Akah Acyuk Taamitak Geytiman. - ENA Qafar Afa
Mizaaniyyat Liggidat Ummattak Daddos Esseroorah Raddi Yacoonuh Qimbiseenih yanin Taamoomi Abbinoosnuh Hangi Akah Acyuk Taamitak Geytiman.
Addis Ababa Laqinik 27/2018(ENA) 2018 Mizaaniyyat Liggidat Ummattak Daddos Esseroorah Raddi Yacoonuh Qimbisen Abnitte Fooca Fanah Maqarroosnuh Hangi Akah Acyuk Taamitak Geytimaanam Leeda Missoynak Harer Rakaakayih Luddi Kubeh Buxah Saqal Getu Weyesa Qaddoose.
Harer Rakaakayak 2018 Mizaaniyyat Liggidak Raaqe Uddurih Addat Abbinoosnu Waana Taamoomit Wagittaamal Walal Gexisen.
Leeda Missoynak Harer Rakaakayih Luddi Kubeh Buxah Saqal Getu Wayosa Iyyeemih Mizaaniyyat Liggidih Ekraaru Elle Faxximta Gurral Abbinoosnuh Hangi Akah Acyuk Taamitak Geytimaanam Qaddoose.
Xisoosah Ayyuntay Meqe Xiinisso Kee Daddos Esseroorah Raddi Yacoonuh Qimbiseenih Yanin Taamoomi Elle Faxximta Waktil Abbinoosnuh Hangi Akah Aycuk Taamitaanam Faxximtam Qaddoose.
Baxsaluk Wacaysir Daddoosuy Baritto Kee Qaafiyat Ayfaf Mexxat Le Gurral Gudduusak Korxir Daddoosih Caddol Tumbulluyeh Tan Assakat Le Xalitte Fooca Fanah Maqarroosak Baxsale Hangi Akah Acyuk Diggaluk Taamitak Geytimaanam Qaddoose.
Gadbo Xaloot KeeMagaalol Buqreh Taamoomi Diggoosak Buqrek Murti Kee Murtisso Dadlisaanamih Taaa Mizaaniyyat Liggidah Maqarroose Loonum Qaddoose.
Agat Xayloh Taama Saamitte Ginaamaih Taamah Hangi Akah Acyuk Qidaddi Tuxxiqitte Maqarroosnuh Maqarluk Taamitak Ciggilita Afkinittel Faxximta Cato Abak Taamite Loonum Qaddoose.