Awroppah Eglah Adoytiitih tan Baaxooxa Itiyoppiya Gexisseh tan 7 Heele Amolladi Dooroh Gexsit Yossokooten. - ENA Qafar Afa
Awroppah Eglah Adoytiitih tan Baaxooxa Itiyoppiya Gexisseh tan 7 Heele Amolladi Dooroh Gexsit Yossokooten.
Addis Ababa 26/2018(ENA) Awroppah Eglah Adoytiitih tan Baaxooxa Itiyoppiya Laqinik 24/2018 Gexisseh Yossokooteenih Yaniinim Maybalaalaqal Qaddoysen.
Dooro Wagsiisak Addis Ababal Guubuh Geytinta Awroppah Eglah Adoytiitih tan Baaxooxak, Kanaxaay, Norweey Kee Siwzerlaxiih Safaarat Edde Tan Baaxooxa Siita Luk Gacak Yeyyeeqen Maybalaalaqal Doorô Gexsit Yossokooten.
Tama Baaxooxa Maybalaalaqal Elle Qaddooseenih Yanin-innal Itiyoppiyak Agat Dooroh Borxiiy, Siyaasa Missoynaaniiy, Liiso leela kee Siivil Eglaalih Xisoosaay, Afrikah Egla kee IGAD Amolladih Dooro Saay kee Salaamal Takkuh Aben Macalah Mamaxxaga Yecen.