Itiyoppiyah Xayloh Saay Kee Salaam Gital Dooreenih,Itiyoppiya Teyseh-Doolat Angaarawih Ayfaafayih Maktab

 

Addis Ababa Laqinik 25)2018(ENA):-Itiyoppiyah Xaylo 7 Heele Amolladi Dooro Saay Kee Salaamaay,Ximokraasih Gital Doorak Itiyoppiya Yoysiiseenih Axcuk Doolat Angaarawih Ayfaafayih Maktabaay Yiysixxige.

Doolat Angaarawih Ayfaafayih Maktab Yeyeeqeh Yan Maybalaalaqalaay Itiyoppiyah Xaylo Doorteeh,Itiyoppiya Teyseh Axcukuuy Baxxaqissem.

Amolladi Dooro Saay Kee Salaamaay Sereegallal Gaba Kalteh Tanimiiy Yescesse.

Doolat Angaarawih Ayfaafayih Maktab Yeyeeqeh Yan Maybalaalaqal Elle Yescesseh Yan Innalaay Itiyoppiyaay Faxinnaanih Fidaa Kee Xiiq Isi Xaylok Faxinnaanih Uddur Geytam Dudda Baaxo Kinnih Tanim Kee Isinni Baaxoh Ken Esserinnaanihim Taceeh Abtam Dudda Xaylo Leh Tanim Qaduuk Elle Tumbulle Dooro Kinnih Tanimiiy Kassiiseenim.

Qadawaak Ilaa Asqassaabê Karawadâ Fanaay, Toobok Siita Cattaamaak Ilaa Anxaxin Raatih Taddeerâ Fan Isi Xaylok Faxinnaanihim Geytam Dudda Baaxo Kinnim Amballayuk Sugteh Tanim Kee Ta Sumaq Qagisseh Tanimiiy Elle Kassiiseenim.

Ta Doorooy 54 Miliyeeniik Daga Takke Maritte Dooroh Maysarraqa Abak Dooro Bbara Fan Elle Akkuk Sugteh Tan Ayro Kinnih Tanim Elleey Baxxaqsen.

Ta Doorooy Ayyuntiiy Xer Uddur Rortal Sugak Dirbook Ilaa Barak Gudê Fan Xongolo Elle Amcayyuk Sugteh Tan Dooroy Aydaadu Le Kinnih Tanim Elle Yescessen.

Ta Doorooy Saay Kee Salaamal Tamurtuqeemik Iro Naqboytit Kee Adda Ganeenit Macalak Sugtem Kalsisseh Tan Ta Maybalaalaqaay Tahaay Itiyoppiyah Xaylo Niicit Raaqisak Saay Kee Salaamaay Ximokraasil Itiyoppiya Teyseh Tanimiiy Baxxaqissem

Itiyoppiyak Ximokraasih Seeco Oggolak Dirbook Ilaa Barâ Fan Xongolo Teceh Tan Ummattay Ximokraasih Siirat Kah Diggoowannah Abteey,Saay Kee Salaam Dagortiy,Isi Le. katuk Taamitak Sugteey,Oyta Kulli Saaqataay,Dagiigootal Ummattah Tayrusak Sugte Rettiimaamiiy,Dooro Abbinoysak Sugte Taama Abenit Kee Inkih Tan Tahat Gabat Agle Lukuk Sugte Marittek Itiyoppiya Sin Faatittah Axcuk Ayfaafay Maktabaay Yescessem.