7heele Amolladi Dooro Xalul Gaba Kaltuh Saay kee Amni Makaado Abak Geytimta Abinitte Maqarroosak Gexele- Filxi Marshaal Birhaanu Juula

 

Addis Ababa Laqinik 22/2018 (ENA) 7heele Amolladi Dooro Xalul Gaba Kaltuh Saay kee Amni Makaado Abak Geytimta Abinitte Maqarroosak Gexelem Kalali Qandek Daga Raaqa Filxi Marshaal Birhaanu Juula Qaddoysem.

 

 

Ityoppiyak Federal Poolis 7heele Amolladi Dooro Xalul Gaba Kaltuh Sehdayti Caylaay, Silac kee Teknoloojil Aakamal Elle Abeenih Yanin Bica Wagsiisaak Makaado Maybalaalaqaay Tecem. 

 

 

Kalali Qandek Daga Raaqa Filxi Marshaal Birhaanu Juula Saay kee Amni Makaado Abteh Tan Bici Kaxxaam Maqar Leh Yanim Yescessem.

 

 

Federal Poolisik Daga Raaqa Amrise Komishiner Jeneral Xemmellash Gebremikaayil Baaxoh Caddol Xissiimteh Tan Saay kee Amni Makaado Doorô Borxillih Cattiimak Oytitte Tabaatabisak Ayyuntalluk Taamitak Geytimaanam Qaddoysem.

 

 

Ciggiilaak Dooro Salaamah Gaba Kaltuh Teknoloojit Cattiimak Saay kee Amni Dacrisaanamih Taama Maqarroowak Gexeleh Tanim kee Doorok Lakal Takku Wayta Tekkooka Xalul Gaba Kaltuh Makaado Faxxiima Bica Abteh Tanim Diggoysem.