Gabbi Qaxih Itiyoppiyah Rakaakayal Dooroh Mansoofa Doorô Fanteenaani Fanah Gudduusiyak Geytiman - ENA Qafar Afa
Gabbi Qaxih Itiyoppiyah Rakaakayal Dooroh Mansoofa Doorô Fanteenaani Fanah Gudduusiyak Geytiman
Addis Ababa Laqinik 22/2018(ENA):-Gabbi Qaxih Ityioppiyah Rakaakayal Dooroh Mansoofa Doorô Fantteenaanî Fanah Gudduusiyak Geytimtah Tanim Doorô Borxik Ta Rakaayih Luddih K/Buxaay Tescesse.
Itlenti Ayro Gexsittu Waytah Tan Malcin Heele Amô Ladi Dooroh 54 Miliyeen 57 Alfiiy 861 Takkeh Tan Maritte Dooroh Maysarraqa Abak Ta Ayro Qambalakaay Geytiman.
Agatak Doorô Borxih Taddeerak Ugutak Baaxoh Caddol Geytimtah Tan Doorô Fantteenaanî Fan Baxcimak Geytimtam.
Gabbi Qaxih Ityioppiyah Rakaakayal Geytimtah Tan Doorô Fantteenaanih Uwwayte Keefo Akkuk Geytimtah Tanim Doorô Borxik Ta Rakaayih Luddih K/Buxah Saqal Abraham Anjaalooy Kassiise.
Dooroh Uwwayti Ta Rakaakayih Caddol Kah Baxcisak Geytimaanah Yaniinim 56 Takke Doorô Rakaakayitteh Gubat Raqtah Tan 3 Alfiiy 941 Takke Dooro Fantteenaani Kinnih Tanimiiy Yescesse.
Ta Rakaakayih Caddol Geytimtah Tan Doorô Fantteenaanî Fan Faxximtah Tan Uwwaytih Keefo Akkuk Geytimtah Tanimiiy Kassiise.
Ta Uwwaytitte Saay Kee Salaamaay Nagaynan Kak Diggosak Fanteenaani Fan Gufak Geytimtah Tanimiiy Yescessen.
#Itiyoppiyak_Xaagi_Raceena #ENA