IGAD 7heele Ityoppiyak Amolladi Dooroh 26Takke Doorô Tassalaalaqoh Afkan Teceh Geytimta. - ENA Qafar Afa
IGAD 7heele Ityoppiyak Amolladi Dooroh 26Takke Doorô Tassalaalaqoh Afkan Teceh Geytimta.
Addis Ababa Laqinik 22/2018 (ENA) Ayrô Mawqah Afrikak Doolatitte Daddoosih Fantaaxawih Abbootan (IGAD) 7heele Ityoppiyak Amolladi Dooroh Baxaabxsale Dariifal 26 Doorô Tassalaalaqo Afkan Teceh Geytimtam Tiysixxigem.
IGADak Salaam kee Amni Exxab Xayrekter Kumanxer Abebe Muluneh Ityoppiyak 7heele Amolladi Dooroh Tassalaalaqu Wayta Dagaritte Missoyseenih Geytimaanam Yescessem.
IGAD Sekreteri kee Adoytit Baaxooxak Tewqeh Tan 26 takke Tassalaalaqo Dooro Gexsit Wagittuh Afkan Kah Yeceenih Geytimaanam Yescessen.
Doorô Tassalaalaqo Afrikah Eglah Doorô Asslaalaqiyyih Edde Xinta Ugut Abak Doorô Borxi kee Siviil Cugaysoosaay, Qunxaaneyta kee Sayyo Rekissoosalluk Saanih Taamitta Mihratleela Kinnih Tanim Qaddoysem.
Ta Sanat Dubuk Uganda kee Jibuuti Dooro Gexsit Wagteenuh Yaniinim Ascassuuk, Awayih Uddur 7heele Amolladi Dooro Assalaalaquk Geytimaanam Yescessem.