Rakaakayak Lee Kee Elmo Biiro Laqin Dariifah Manoh Maysaasah Cugayso (LLRP ) Luk Cattiimak Lee Cugayso Dooqaysen . - ENA Qafar Afa
Rakaakayak Lee Kee Elmo Biiro Laqin Dariifah Manoh Maysaasah Cugayso (LLRP ) Luk Cattiimak Lee Cugayso Dooqaysen .
Addis Ababa ,Laqin-Alsak 17/2018 (ENA)Rakaakayak Lee Kee Elmo Biiro Laqin Dariifah Manoh Maysaasah Cugayso (LLRP ) Luk Cattiimak Afxeera Daqaarak Fiiqa Kee Namma Gubbi Awdal Bicsen Lee Cugayso Dooqaysen
48 Miliyoonih Birrit Rakaakayak Lee Kee Elmo Biiro Rakaakayak Laqin Dariifah Manoh Maysaasah Cugayso (LLRP ) Siita LuK Cattiimak Kilbatti Rasuk Afxeera Daqaarak Fiiqa Kee Namma-Gubbi Awdal Bicsen Saytun-Maqab Leeh Cugayso Dooqaysen .
Tama Cugayso 2700 Yakke Marah Saytun-Maqab Leeh Ayfaaf Acayuk Geytintam Kee Soolaarah Tet Biciseenim Ayfaafay Mattaco Meqe Gurral Takkuh kaxxa Doori Leh Tanim Warsen .
Dooqayso Taddeeral Geytimeh Yan Rakaakayak Ciggiila Prezixenti Gifta Qumar Nuur Qarba Qafar Ummattah Lee Iyyaanam Rooci Kinnim Aaxaguk Qafar Rakaakayih Doolat kee Leeda Parti Lee kee Kalah tan Ummattah Ayfaafyitteh Naharsiino Yeceenih Yaniinim Diggoose .
Rakaakay Doolat Siraglel Kee Merrayti Taqabi Hangit Haak Bicsinnaanih Lee Cugayso Soolaarat Bicisak Geytimaanam Kassiiseh Yan Rakaakayak Lee Biirok Naharsi Saqal Gifta Acmad Shaami a Cugaysot 2700 Daga Takke Ummatta Edde Antifiqelem Ascassuuk Laqin Dariifah Manoh Maysaasah Cugayso (LLRP )Ken Luk Qokkolsimak Abak Geytinta Ummatta Rakiibo Abta Taamoomih Gadda Gacise .
Milaaguk Duma a Dariifa Qasbo-le Axcuk Lee Waytih Taqabi addat Sugte Ummatta Leeh Ayfaafay Geyteemih Ruffa Axce Iyyeh Yan Afxeera Daqaarak Naharai Saqal Gifta Siraaj Rakaakayak Lee kee Elmo Biiro Kee LLRP Cugayso Luk Cattiimak Abteh tan Taamah Ummatta kee Daqar Xintoh Migaaqal Gadda Keenih Gacisa Yaanam Iyye .
LLRP Cugaysok Fiiqa kee Namma Gubbi Taama Kattaatak sugeh Yan Mihratli Gifta Alaazar Amoladih a Cugaysoh Taamat 48 Miliyoon Yakke Maali Yewqeh Yanim Kee Ummattah Ayfaafay Ucuyya Haytan Fan Bar Kee Loqo Kattaatak Suheenih Yaniinim Warse .
Sanootah Luk Sugen Saytun-Maqab Leeh Essero Arac Keenih Geyteemih Ruffa Iyyaanam Tescesseh tan Afxeera Daqaarak Fiiqa Kee Namma-Gubbi Awdah Ummatta Lee Keenih Bicisseh tan Doolatah Gadda Gacisna Iyyen.