Aygadad Kee Xisne Qokolih Ku Buxa Baracle Daqaaral 132 Miliyoonih Birrih Awqentat Bicsen Daddoos Cugaysoosa Dooqaysen.

 

Addis Ababa Laqinik 15/2018(ENA)Kilbatti Rasuk Baracle Daqaaral Rakaakayak Aygadad Kee Xisne Qokolih Ku Buxa Baad Bankik Geytime 132 Miliyoon Yakke Maal Mizaaniyyatah Kah Yibbixen 18 Takke Daddoos Cugaysoosa Dooqaysen .

Dooqayso Taddeeral Rakaakayak Ciggiila Prezixentiiy Ardi Biiroh Saqal Gifta Qumar Nuur Qarba Kee Leeda Partik Qafar Rakaakayih Luddih Ku Buxak Naharsi Saqal Gifta Macammad Cuseen Qaliisa Edde Anuk Rakaakayay, Rasu Kee Daqaar Miraaciinuuy Ayyunti Exxaaxi Edde Tengele .

 

Dooqayso Taddeerah Aracal Geytimeh Yan Gifta Qumar Nuur Qarba Iyyeemih Aygadad Kee Xisne Qokolih Ku Buxa Baracle Daqaaral Abteh tan Taamoomi Assakat lem Ascassuuk Rakaakay Doolat ta Taamoomi Baarisak Gexelem Kinnuuk Ummatta Tekkeh tan Taamoomi Dacrisaanam Faxxintah Tanim Kassiise .

3R4CACE Cugaysoh Koobaahissol Baracle Daqaaral Akkuk Sugte Xisne kee Qeedabo Taamoomi 6 Awdal Gexsitak Sugtem Yescesseh Yan Rakaakayak Aygadad Kee Xisne Qokolih Ku Buxak Naharsi Saqal Gifta Nuuraddiin Saddiiqh Amoladih ta Cugayso Daqar Caddol 118,577 Yakke Ayyuntah Ayfaaf Aceelem Diggoose .

 

Gifta Qali Cuseen Borri Baracle Daqaarak Naharsi Saqal Kinnuuk Iyyeemih a Cugayso Baritto Buxay Qaafiyat Kee Saytun-Maqab Lee Dibuh Hinnay Ambulaansi Edde Anuk Hospitaal Kee Qaafiyat Fanteenaanih Mango Qokol Yekkeh Yanim Kassiisak Doolat Abteh tan Daddoos Cugaysoosah Daqaar Xinto Kee Ummatta Migaaqal Gadda Gacisa Yaanam Iyye .

Tama Gudgudul Baracle Daqaarih Xinto Yemeeteh Yan Qibinah Konnabnah Acwa Yeceeniih Tonnah Taama Mexxat Bahtuh Macalteh tan Ku Buxaaxi Kee Canka Maritteh Mamaxxaga Yeceenimih Taddeera Gexsen .

Illacabol Rakaakayak Aygadad Kee Xisne Qokolih Ku Buxa Leele-qaalah Awdal 50 Takke Barteenitih Mansoofa Qokol Aben Qafarak mangaafa Retteemah Oytal Yescessen