Millê Daqaarak Qadayti Magaalal Cajji Awwal Qarba Qamaliyyat Abtam Dudda Qaafiyat Fanteena dooqayse

 

 

Addis Ababa,Laqin Alsa 14,2018 (ENA) Rakaakayak Qaafiyat Biiro Awsî Rasuk Millê Daqaarak Qadayti Magaalal Mango Ummattah Ayfaf Taceem Dudda Qaafiyat Fanteena Dooqaysisse.

 

Tama Dooqaysoh Aracal Qafár Rakaakayak Naharsi Saqal Cajji Awwal Qarbay, Qaafiyat Biirok Saqalah Yan Gifta Yaasin Cabiibiy, Awsî Rasuk Xintoh Saqalah Yan Gifta Naasir Cammaduy, Millê Daqaarih Miraaciinu Kee Millê Daqaarih Ummatta Elle Geytimte.

 

Ta Qaafiyat Fanteenah Xiso Dariifah Ummatta Mango Waddiirah Luk Sugte Qaafiyat Ayfaf Kee Qaafiyat Guddussoh Essero Qadayti Ummattah Gacisam Duuda Abina Kinnim Qaddosen.

 

Ta Qaafiyat Fanteena Qaafiyat Biiro Kee Agatak Tellemmo Bank Sitta Luk Cattiimak 50 Millionuk Amô Takke Lakqot Xiseenim Kee Qamaliyyat Ayfaafak Xabba Haanam Mango Ayfaf Addat Le Standardik Tan Qaafiyat Fanteena Kinnim Tamixxige.

 

Tama Dooqaysoh Aracal Yab Abeh Suge Qafár Rakaakayak Naharsi Saqal Massakaxxale Cajji Awwal Qarba Iyyeemih Rakaakay Doolat Ummattah Rakiiboh Fayxi Aracat Haytuh Baxsaluk Qaafiyat Langih Baxsale Hangi Yaceenih Taamitak Geytimaanam Yescessen.

 

Asaaku Dooqaysisne Qaafiyat Fanteena Ummatta Mexxat Le Qaafiyat Ayfaf Geytu Kee Rifer Raaqisoonuh Kaxxa Doori Lem Qafár Rakaakayak Naharsi Saqal Cajji Awwal Qarba Qaddoyse.

 

Tonnah Kaadu Qaafiyat Biirok Saqalah Yan Gifta Yaasin Cabiib Iyyeemih Ta Qaafiyat Fanteena Dariifah Ummattah Baxsale Qaafiyat Ayfaf Aceelem Kee Baxsaluk Qadayti Magaala Data Gitih Addal Tan Magaala Kinnuuk Mango Qawwalayla Taafeh Tan Way Xayikkeek Qawwalayla Edde Taafe Mari Ayfaf Elle Giyam Xiiqa Qaafiyat Fanteena Kinnim Tamixxige Axcuk Yaabem Rakakayak Qaafiyat Biiroh Oyti yiysixxig.