Kilbatti Rasuk Xalol Daqaaral Leeda Partih Qokolih Soolo Gexsen

 

Addis Ababa, Laqin-Alsak 12/2018,(ENA)Kilbatti Rasuk Xalol Daqaarih Ummatta "Ityoppiya Ceelallo Takke Baaxo Fanah "Inta Itrol Leeda Partih Qokolih Soolo Daqar Fanteena Qado-Kuwah Magaalal Gexsen.

Ta Qokol Soolot Rakaakayak Ciggiila Prezxentih Bilhadal Maddur Kilsterih Koobaahisey Pilaan Kee Daddos Biiroh Saqal Gifta Qali Macammad Macmuuduy,Rakaakayak Fayyale Miraacinuy,Xalol Daqaarih Saqal Gifta Ismaaqiil Qaliiy,Daqar Miraacinu kee Ayyunti Edde Yengele.

Ta Soolot Aracal Geytimak Yabti Abeh Yan Rakaakayak Ciggiila Prezxentih Bilhadal Maddur Kilsterih Koobaahisey Pilaan Kee Daddos Biiroh Saqal Gifta Qali Macammad Macmuud Leeda Partih itiyoppiyah Xaylok Inki gide ikkiyya Diggosseeh Ayyunti Fanteena Abta Xaloot Le Taamoomi Abbinoysak Geytimtam Qaddoyse.

Leeda Parti Dooraanam Qimbisimteh Tan Dadal Gexso Aracat Gactuh Itiyoppiya Afarikal Ceelallo Tan Baaxo Takkuh Qimbo doorit Kinnim Qaddoysaak Qafar Ayyuntah Leed Parti Salaamay,Daddos Kee Biso Maxco Aracat Haanamal Baar le Taamoomi Abak Geytimanam Yiysixige.

 

Xalol Daqaarak Naharsi Saqal Gifta Ismaaqiil Qali Ibraahim Qimbisimteh Tan milaagi Gexso Aracat Gactuh kulli Langil Akkuk Geytimta Taamoomi Maqarroowtuh Leed Dooranam Faxximtam Qaddoyse.

Leeda Parti Taturte 5 Liggidittel Meqe Xiinisooy,Madduruy,Ayyuntiinol Abak Temeeteh Tan Taamoomil Geysisseh Tan Xalootitte Qokol Kee Ciggiilak Leed Parti Salaamay,Daddos Kee Biso Maxcol Kulli Langil Tayse Taamoomi Takkem faxximtam Ayyunti Ta Qokol Soolah Kinnim Elle Yuybulluyen.

Ta Qokol Soolal Ayyunti itiyoppiya Ceelallo Takke Baaxo Fanah inta Itro Kee Kallah Tan baxaabaxsale itroora leeda partih loonuh yanih qokol Elle Aybalayuk maacisen