Leeda Dooraanam Dadal kee Biso Maxco Aracat Haanama:• Gifta Macammad Cuseen Qaliisa.

 

Addis Ababa Laqin-Alsak 11/2018 (ENA)Leeda Dooranam Dadal Kee Biso maxcooy,Afrikal Ceelallo Takke Baaxo Ginaanam Kinnim Leeda Partik Qafar Rakaakayih Luddih Kutbeh Buxah Saqal Gifta Macammad Cuseen Qaliisa Qaddoyse.

Kilbatti Rasuk Abqaala Magaalal "Ityoppiya Ceelallo Takke Baaxo Fanah "Inta Itrol Leeda Partik Dooroh Uguugusuh Qokol Soolo Gexsen.

 

Ta Qokol Soolot Leeda Partik Qafar Rakaakayih Luddih Kutbeh Buxah Saqal Gifta Macammad Cuseen Qaliisaay Rakaakayak fayyale Miraacnuy Kilbatti Rasuk Naharsi Saqal Gifta Macammad Qali Ascabay Rasuuy,Daqoorit Kee Magaala Xiinissoh Miraaciinu kee Doolat Taama Abeenitiy, Abqaala Magaalay, Daqar Kee Dariifah Ayyunti Edde Yengele.

Ta Qokol Soolah Aracal Geytimaak Yab Abeh Yan Leeda Partik Qafar Rakaakayih Luddih Kutbeh Buxah Saqal Gifta Macammad Cuseen Leeda Partih taturte Liggiditteh Addal Matarak Teemete Gino Kee Gaba Bahta Taqabi Saami Fan korisak Ayyunta Fanteena Abta Daddos Taamoomiiy Assakat Le Akku Teemetem Qaddoyse.

 

Leeda Parti Dadalte Itiyoppiyah Gexso Aracat Gactuh Qimbisimteh Tan Taamoomi Maqarroosak gexloonum Kee Cogdaadiy,Saamitte Kee Xaalu Saami Fan Korsaanamih Gexso Diggoowak Gexelem Yiysixxige.

Leeda Parti Taama Qimbiseemiiy,Akkeh Qafar Ayyuntak Rakiibo Esseroora Caddo Caddol Gacisak Temeetam Assacasuuk Qimbisimteh Tan Dadal Gexso Aracat Gactuh Leeda Parti Dooranam Faxximtam Kassiise.

 

Leeda Parti Taturte 5 Liggidittel Meqe Xiinisooy,Madduruy,Ayyuntiinol Abak Temeeteh Tan Taamoomil Geysisseh Tan Geysisseh Tan Xalootitte Qokol Kee Ciggiilak Leed Parti Salaamay,Daddos Kee Biso Maxco Kulli Langil Tayse Taamoomi Takkem faxximtam Ta Qokol Soolot Yenegeleh Yan Ayyunti Yiysixxige.

Ta Qokol Soolal Ayyunti itiyoppiya Ceelallo Takke Baaxo Fanah inta Itro Kee Kallah Tan baxaabaxsale itroora leeda partih loonuh yanih Qokol Elle Ayabulluk Maaciseenim Qafarak Mangaafa Retteemah Oyital Yescessen.