Dacarsittoh Xiinah Saytun Maqub leeh Antifiqimiyya Dadlisoonuh hangi kah Cayuk Geytiman.

 

Addis Ababa Laqinik 11/2018 ( ENA) Dacarsittoh Xiinah Saytun Maqub leeh Antifiqimiyya Dadlisoonuh hangi kah cayuk Taamitak Geytimaanam Qafar Rakaakayak Naharsi Saqal Cajji Awwal Qarba Qaddoysem.
 

Naharsi Saqal Cajji Awwal Qarba, Efeq kee Laqin Dariifah Malaak Abreham Belayallyk Gacak Gabbi Dulellaesa kee Qammibaxi Daqaaral Saytun Maqub Leeg Cugaysoosa Dooqayska Taama Qimbisiisen.

Rakaakayak naharsi saqal massakaxxale Cajji Awwal Qarba rakaakayal mango dacarsittoh xiina taniimih taagah ayyunti antiqimiyya kee mano gexsit yaysiisoonuh doolat hangi kah cayuk Taamitak geytimtam qaddoysem.

Asanat 14 bilyeenih projektitte Dooqaysak geytimaanam kee asanatih addat mango prijektitte dooqaaseloonum qaddoosak taturte doorol ayyuntah culen xagana aracat haak geytimaanam Kassisen.

 

Federaalak efeq kee laqin dariifah malaak Dr Abraham belay abeh yan yaabakaay Adariifah ayyunti baaxolikih lee likih edde yantifiqem xiqak suge wee ayyunti leeda messoyna a dariifah ayyuntih mano milaagimtuh fiiriseh yan taddiirak abbinos abinah elle yubluuse darifa kinnim kassiise.

Baaxoh addah lee ayyaaquk weeqaytilee manfaqatal korisak buqreey maqubuh inkih keenih korisaanamal kaxxa taama tekkeh tanim yubluuse.

 

LLRP cugaysok Qafar Rakaakayal saqalah yan gifta Macammad Casan LLRP cugayso away 23 daqaral mango daddos abak geytimtah tan taamal Kaxxa dudda kee abbinos ablaasuk geytimtam qaddoose.