Amref Health Africa Deqsitta Meqem Abittoh Egla Intii Qaafiyatal Taamita Qusba Project Qimbisiisiyyih Taddiira Gexsitte. - ENA Qafar Afa
Amref Health Africa Deqsitta Meqem Abittoh Egla Intii Qaafiyatal Taamita Qusba Project Qimbisiisiyyih Taddiira Gexsitte.
Addis Ababa Laqin Alsak 10 Sanat 2018 (ENA) Tama Taddiirat Qaafiyat Malaakak Dalka Kalalih Taama Gexsitik Lewannah Tan Dr Hiwot Selomonuy, Qaafiyat Biirok Miraaciini Makaadoh Adoytitiy, Amref Health Africa Yemeete Qibna Edde Tengeleh Sugtem Tamixxige.
Ta Project Gabbi Rasih Dariifa Kee Gabbi Rasuk Macammadqakle Hospitalih Caddol Taamitelem Kee Tonnah Kaadu Angagayyuk Gersi Qafar Dariifal Taamitelem Tamixxige.
Tama Aracal Geytimak Yab Abteh Sugtem Qaafiyat Malaakak Dalka Kalalih Taama Gexsitik Lewannah Tan Dr Hiwot Selomon Kinnuuk Inteemih Ta Project Qafarah Mango Tuxxiq Gabat Luk Yemeete Project Kinnuuk Ta Project Aba Taama Arac Xagtuh Diggale Ogaysimiyyi Taama Faxximta Axcuk Yabte.
Tonnah Kaadu Qaafiyat Biirok Dalka Kalalih Xayrekterih Yan Gifta Acmad Qali Cabiib Qafar Ummattay Dacarsittoh Xiinah Tani Mango Adda Inti Biyaakitte Ken Taafem Kinnuuk Qamaliyyat Kee Gersi Gaadu Abak Intiita Daylisak Intiina Qaafiyat Ummattak Dacrisaanamih Taama Ta Project Nagay Abak Gexelem Tamixxige Axcuk Yaabe.