Agat Muddaqiinoo Kee Tû Xiq Faxe Uddur Kee Caalatal Dacriseh Faxximtah Tanimiiy Qaddowte

.

Addis Ababa Laqinik 8/2018(ENA):-Agat Tuxxiq Kee Muddaqiino Faxe Uddur Kee Caalatal Dacrisaanam Faxximtah Tanim Kingis Of Abay Mrdiah Lewannah Yan Ustaaz Yamaal Bashiiriiy Kassiise.

N/Malaak Abiy Acmad(D.R) Rettiimâ Xaloot Daalissô Dadalah Iyyah Yan Amuntal Mediah Dagortillih Gexseh Yan Guf-Gudul Elle Yescesseh Yan Innalaay Rettiimaami Agat Muddaqiinoo Kee Konnabnasy,Tuxxiq Dacrissoonub Kaxxa Foori Leh Tanimiiy Kassiise.

Xaagu-Qawaay Agat Tuxxiqqik Currih Ane Waanah Yaniinim Kee Abaanah Yanin Taamaay Agat Tuxxiq Arcat Kak Haak Tayseh Tan Baaxo Horal Tabsaanam Faxximtah Tanimiiy Baxxaqise.

Tonna Kinnukuuy Rettimâ Missoynaani Agat Tuxxiq Yaysukumeenimiiy Faxximtam.

ENA Luk Wakti Haysiteh Yan Kings Of Abay Mediah Lewanna Ustaaz Jamaal Bashiriiy Itiyoppiyah Naqboytit Mangoh Tan Afitittet Itiyoppiyal Rubbanah Yanin Dirab Kee Ane Waynut Koysitaanam Faxximtah Taniimitiiy Yaabe.

Baxsa Lukukuuy Asqassaabê Karawwad Wagsiisaak Qarab Afat Tatrusaanah Yanin Ane Wayni Sugeh Yanim Kee Wuxî Fan Ta Bis Le Casgidak Cubbi Faxciimah Yanimiiy Qaddoyse.

Itiyoppiyak Aydaadi Naqboytit Itiyopiya Mangom Waysiisoonuuy,Saay Kee Salaam Teetik Darroqoosoonuh Abak Yemeeten Macal Loonum Keenik Asmatuk Foocâ Fan Annah Tan Taqabitteeta Ginaanam Diudaanam Keenik Naaxigem Faxximtah Taniimitiiy Yaabe.

Awayih Uddur Ajenxa Tekkeh Geytimta Baddi Furdah Esserol Agay Waaga Hinnammay Bohoy Le Itoyoppiyah Baxi Ane Waah Yanimiiy Baxxaqise.

Faxe Xaagu-Qawak Mihratiini Dirkih Yaniih,Aysukumeh Faxximtah Tanim Agat Tuxxiq Kinnih Tanimiiy Yescesse.

Dijitaal Kee Gersi Mediyayit Taamittah Tan Xaagu-Qawaay Agat Muddaqiinoo Kee Konnabna Yaysukumeenim Faxximtamaay Kassiise